[Kadam] [SPAM?] dodo

[Dan Morosof]

 Vemo danob demü säk gudik. Jenöfo äbetikob säkädi teorik at. Jünu vöd: dodod as defomot tefü stamäd: dod no pagebon, klu leigaton ko vöd votik no süikonöv. Pö jenet mögik somik poyümot: -od < sinifonöv seki duna u dini dabinotik. Ye subsat it: dod < no malon duni, äsä fom: dodam (ko poyümot duna) < blöfon, sekü kelos defomot labü -od no zesüdonöv draniko. Obinosöv fikulik ad fümükön (nen neod patik) miedeti vöda somik.I vilob penön, das ai vemo fredob dö bespik jäfädik fa kadäm säkädas somik.
Ko lestüm,Daniil ü Shido

    понедельник, 12 октября 2020 г., 13:02:06 GMT+5, Igor Wasilewski <espigor at gmail.com> написал(-а):  
 
 O kekadämans stimik!
Dü lunüp no ebinob dunöfik in Volapükamuf ed eseilob, ab bü brefüp ätikob mödo dö veüt Volapüka, e kludo esludob ad dönulifükön dunöfi oba.
Tefü böd: ‘dodo’ baicedob, das el “dodod” jinon binön gudik. Ye vilob säkön, kisi cedols dö yümät votik, teoriko mögik, sevabo el “dod” sa poyümot “-od”, bi atos i kanonöv pajafön, ed üfo labobsöv sinifi votik, ifi no vemo frutik. Votaflano, no binos fasilik ad tuvön mobi gudikum, klu jenöfo, baicedob.
Ko lestüm,Igor
On Mon, Oct 12, 2020 at 13:37 Hermann Philipps <hphilipps at onlinehome.de> wrote:

O kadämans stimik!

Tefü böd: *dodod.
Baicedob, das kanobs gebön vödi fa hiel Ralph Midgley pedatiköli.
Ya eninükob oni ini vödalised gretik oba as „dodod [M] (böd edadeadöl: 
‚Raphus cucullatus’ ü ‚Didus ineptus’) s.  Dodo, Dronte.”

Lestümiko,
Hermann
-------------------------------------------

Am 11.10.2020 um 18:50 schrieb Dan Morosof:
> O kekadämans digik!
> 
> Vigafin at sekü spod nenropik Volapükik äbinon pro ob boso fikulik. 
> Bevü votikos äbespikob noatedi ko büdüls Volapükik pro musigans 
> (‘https://vk.com/volapuk_sprache?w=wall-69180623_486%2Fall’). Lautan 
> noateda eklülädom neodön vödi ad malön bödi: ‘dodo’. El Ralph pö 
> tradut okik buka famik dö jiel Alice ägebom subsati nitedik: dodod. 
> Lecedob vödi at lönediki ad nemön Volapüko bödi pemäniotöl. Kisi 
> cedols-li?
> 
> Ko lestüm,
> ‘Daniil’ ü ‘Shido’
> 

_______________________________________________
Kadam mailing list
Kadam at evertype.com
http://evertype.com/mailman/listinfo/kadam_evertype.com
  
-------------- next part --------------
An HTML attachment was scrubbed...
URL: <http://evertype.com/pipermail/kadam_evertype.com/attachments/20201012/da8a400c/attachment.htm>