<html><head></head><body><div class="ydp7e294f5eyahoo-style-wrap" style="font-family:Helvetica Neue, Helvetica, Arial, sans-serif;font-size:16px;"><div></div>
<div dir="ltr" data-setdir="false"><div><div>Vemo danob demü säk gudik. Jenöfo äbetikob säkädi teorik at. Jünu vöd: dodod as defomot tefü stamäd: dod no pagebon, klu leigaton ko vöd votik no süikonöv. Pö jenet mögik somik poyümot: -od < sinifonöv seki duna u dini dabinotik. Ye subsat it: dod < no malon duni, äsä fom: dodam (ko poyümot duna) < blöfon, sekü kelos defomot labü -od no zesüdonöv draniko. Obinosöv fikulik ad fümükön (nen neod patik) miedeti vöda somik.</div><div>I vilob penön, das ai vemo fredob dö bespik jäfädik fa kadäm säkädas somik.</div><div><br></div><div>Ko lestüm,</div><div>Daniil ü Shido</div></div><br></div><div><br></div>
</div><div id="ydp32fdfce4yahoo_quoted_3184513760" class="ydp32fdfce4yahoo_quoted">
<div style="font-family:'Helvetica Neue', Helvetica, Arial, sans-serif;font-size:13px;color:#26282a;">
<div>
понедельник, 12 октября 2020 г., 13:02:06 GMT+5, Igor Wasilewski <espigor@gmail.com> написал(-а):
</div>
<div><br></div>
<div><br></div>
<div><div id="ydp32fdfce4yiv1721220377"><div><div><span style="color:rgb(69,69,69);font-family:UICTFontTextStyleBody;font-size:17px;">O kekadämans stimik!</span><div style="color:rgb(69,69,69);font-family:UICTFontTextStyleBody;font-size:17px;"><br clear="none"></div><div style="color:rgb(69,69,69);font-family:UICTFontTextStyleBody;font-size:17px;">Dü lunüp no ebinob dunöfik in Volapükamuf ed eseilob, ab bü brefüp ätikob mödo dö veüt Volapüka, e kludo esludob ad dönulifükön dunöfi oba.</div><div style="color:rgb(69,69,69);font-family:UICTFontTextStyleBody;font-size:17px;"><br clear="none"></div><div style="color:rgb(69,69,69);font-family:UICTFontTextStyleBody;font-size:17px;">Tefü böd: ‘dodo’ baicedob, das el “dodod” jinon binön gudik. Ye vilob säkön, kisi cedols dö yümät votik, teoriko mögik, sevabo el “dod” sa poyümot “-od”, bi atos i kanonöv pajafön, ed üfo labobsöv sinifi votik, ifi no vemo frutik. Votaflano, no binos fasilik ad tuvön mobi gudikum, klu jenöfo, baicedob.</div><div style="color:rgb(69,69,69);font-family:UICTFontTextStyleBody;font-size:17px;"><br clear="none"></div><div style="color:rgb(69,69,69);font-family:UICTFontTextStyleBody;font-size:17px;">Ko lestüm,</div><div style="color:rgb(69,69,69);font-family:UICTFontTextStyleBody;font-size:17px;">Igor</div></div><div class="ydp32fdfce4yiv1721220377yqt8782435578" id="ydp32fdfce4yiv1721220377yqt77920"><div><br clear="none"><div class="ydp32fdfce4yiv1721220377gmail_quote"><div class="ydp32fdfce4yiv1721220377gmail_attr" dir="ltr">On Mon, Oct 12, 2020 at 13:37 Hermann Philipps <<a shape="rect" href="mailto:hphilipps@onlinehome.de" rel="nofollow" target="_blank">hphilipps@onlinehome.de</a>> wrote:<br clear="none"></div><blockquote class="ydp32fdfce4yiv1721220377gmail_quote" style="margin:0 0 0 .8ex;border-left:1px #ccc solid;padding-left:1ex;">O kadämans stimik!<br clear="none">
<br clear="none">
Tefü böd: *dodod.<br clear="none">
Baicedob, das kanobs gebön vödi fa hiel Ralph Midgley pedatiköli.<br clear="none">
Ya eninükob oni ini vödalised gretik oba as „dodod [M] (böd edadeadöl: <br clear="none">
‚Raphus cucullatus’ ü ‚Didus ineptus’) s. Dodo, Dronte.”<br clear="none">
<br clear="none">
Lestümiko,<br clear="none">
Hermann<br clear="none">
-------------------------------------------<br clear="none">
<br clear="none">
Am 11.10.2020 um 18:50 schrieb Dan Morosof:<br clear="none">
> O kekadämans digik!<br clear="none">
> <br clear="none">
> Vigafin at sekü spod nenropik Volapükik äbinon pro ob boso fikulik. <br clear="none">
> Bevü votikos äbespikob noatedi ko büdüls Volapükik pro musigans <br clear="none">
> (‘<a shape="rect" href="https://vk.com/volapuk_sprache?w=wall-69180623_486%2Fall" rel="nofollow" target="_blank">https://vk.com/volapuk_sprache?w=wall-69180623_486%2Fall</a>’). Lautan <br clear="none">
> noateda eklülädom neodön vödi ad malön bödi: ‘dodo’. El Ralph pö <br clear="none">
> tradut okik buka famik dö jiel Alice ägebom subsati nitedik: dodod. <br clear="none">
> Lecedob vödi at lönediki ad nemön Volapüko bödi pemäniotöl. Kisi <br clear="none">
> cedols-li?<br clear="none">
> <br clear="none">
> Ko lestüm,<br clear="none">
> ‘Daniil’ ü ‘Shido’<br clear="none">
> <br clear="none">
</blockquote></div></div></div></div></div><div class="ydp32fdfce4yqt8782435578" id="ydp32fdfce4yqt58871">_______________________________________________<br clear="none">Kadam mailing list<br clear="none"><a shape="rect" href="mailto:Kadam@evertype.com" rel="nofollow" target="_blank">Kadam@evertype.com</a><br clear="none"><a shape="rect" href="http://evertype.com/mailman/listinfo/kadam_evertype.com" rel="nofollow" target="_blank">http://evertype.com/mailman/listinfo/kadam_evertype.com</a><br clear="none"></div></div>
</div>
</div></body></html>