
<html><head><meta http-equiv="content-type" content="text/html; charset=utf-8"></head><body dir="auto"><div>O Shido löfik!</div><div><br></div><div>Baicedob ko ol! I cedü ob binos gudikum ad gebön värbi at asä loveädiki, dat baiädon ko vöd sperantik ed ut Deutänapükik, sevabo els ,fotografi, fotografieren'.</div><div><div><br></div><div>Tefü el ,,fotograföm", dabinon vöd necalöfik: ,,käm" malöl otosi. Ab dido ,,fotograföm" jinon gudikum, ibä täno no zesüdos ad jafön stamädavödi nulik votik.</div><div id="AppleMailSignature"><br></div><div id="AppleMailSignature">Flenöfiko.</div><div id="AppleMailSignature">Danny.<br><br></div>Am 13.05.2018 um 01:38 schrieb Dan Morosof <<a href="mailto:shido2308@yahoo.com">shido2308@yahoo.com</a>>:<br><br></div><blockquote type="cite"><div><div style="color:#000; background-color:#fff; font-family:Helvetica Neue, Helvetica, Arial, Lucida Grande, sans-serif;font-size:16px"><div id="yui_3_16_0_ym19_1_1526146092934_11259">O kekadämans stimik!</div><div id="yui_3_16_0_ym19_1_1526146092934_11260"><br id="yui_3_16_0_ym19_1_1526146092934_11261"></div><div id="yui_3_16_0_ym19_1_1526146092934_11262">Cedob, das binosöv frutik ad kleilükön gebi värba: fotografön, sevabo ad begespikön fümo säki: va binon-li loveädik u neloveädik? Liedo vödabuks e vödaliseds calöfiks no ninädons vödi at. In el “Volapükagased pro Nedänapükans” värb pemäniotöl äkomädon balna, sevabo pö konotül sököl:</div><div id="yui_3_16_0_ym19_1_1526146092934_11263"><br id="yui_3_16_0_ym19_1_1526146092934_11264"></div><div id="yui_3_16_0_ym19_1_1526146092934_11265">“Kikodo ekoedol-li fotografön te bali telädanas?”</div><div id="yui_3_16_0_ym19_1_1526146092934_11266">“Ag! cils et sümedons odi so voätiko, das äcedob osi yamiki ad leadön sumodön bofikis.”</div><div id="yui_3_16_0_ym19_1_1526146092934_11267"><br id="yui_3_16_0_ym19_1_1526146092934_11268"></div><div id="yui_3_16_0_ym19_1_1526146092934_11269">Sekü patöfs värba sekidik “koedön” el “fotografön” e kanon paträitön as värb loveädik, ed as värb neloveädik.</div><div id="yui_3_16_0_ym19_1_1526146092934_11270">Ma vödabuka fa el Cherpillod efe pro sperantans, el “fotografön” duton-la lü värbs loveädik. Etos baiädon ko geb plagik, äsä tikodayumäts sököl jonülons:</div><div id="yui_3_16_0_ym19_1_1526146092934_11271">a) “Kanoy dido loatön toodi ad pafotografön fo mebamal at.” (se el “Vög Volapüka”);</div><div id="yui_3_16_0_ym19_1_1526146092934_11272">ä) “Nolavans äplöpons ad fotografön kritidamani, vio beiflitom planeti: mard < mu spidiko. Mögos, das zög tefü kritida-legivots oblebon-la pülik.” (gespik fa el Hermann Philipps: cifal < pö Volapükagrup ela ‘Facebook’).</div><div id="yui_3_16_0_ym19_1_1526146092934_11273">Zuo laboy subsati “fotografot”, e noloy, das pö jenets sümik poyümot: -ot < suvo sinifon prodi duna, kel pemalon dub värb loveädik ko stamäd ot.</div><div id="yui_3_16_0_ym19_1_1526146092934_11274">Mobob, das demölo kodis löpik kadäm olecedonös eli “fotografön” värbi loveädik ed oleadonös nunön atosi pö vödabuks Volapüka. Cedü ob, nutimo Volapükans mödik vitons ad gebön värbi semikna zesüdiki ati demü nefüm tefü patöfs fomirik e süntagiks ota.</div><div id="yui_3_16_0_ym19_1_1526146092934_11275">I vilob lofädön kadäme mobi nog votiki. Pö suk vödas labü stamäd “fotograf” da el “Vög Volapüka” eküpob sököli: “fotograföm”. Lecedob osi legudiki e mobob ad vedükön eli “fotograföm” vödi calöfik ä komandabiki.</div><div id="yui_3_16_0_ym19_1_1526146092934_11276">Kisi cedols-li?</div><div id="yui_3_16_0_ym19_1_1526146092934_11277"><br id="yui_3_16_0_ym19_1_1526146092934_11278"></div><div id="yui_3_16_0_ym19_1_1526146092934_11279">Ko lestüm,</div><div dir="ltr" id="yui_3_16_0_ym19_1_1526146092934_11280">‘Daniil’ ü ‘Shido’: vicifal</div></div></div></blockquote></body></html>