An tSlaivéin

Panu Petteri Höglund a scríobh

Click on the book cover to order this book from Amazon.co.uk!

If you are in the U.K. or Ireland, order the book from Amazon.co.uk!

If you are in North America, order the book from Amazon.com or Amazon.ca!

		Úrscéilín é seo a chaitheas súil ar an tSlaivéin, tír bheag shamhailteach in Oirthear na hEorpa. Chonaic muintir na tíre seo an tUileloscadh agus an Stailíneachas, ach níor briseadh a meanma ná a misneach faoi bhrú na staire gránna seo féin. Anois, áfach, gheal lá na saoirse agus d’imigh scáil an tSóivéadachais, ach tháinig géarchéim nua ag bagairt ar an tír ón taobh istigh.
		Fear óg íogair é Adam Jokamies a tháinig i gcrann i gCríoch Lochlann, beag beann ar an gcineál cruatan a ndeachaigh muintir na Slaivéine tríd. D’fhág an tSlaivéin faoi dhraíocht é, áfach, agus é ag tabhairt aghaidhe ar an tír anois le teanga na tíre a fhoghlaim.
		Tá an t-úrscéal seo ag cur thar maoil le cultúr agus le cuimhní cinn Oirthear na hEorpa, rud is annamh a d’fheicfeá i litríocht na Gaeilge. Ach is scéal grá é chomh maith, agus é ar na cinn is earótai sa teanga.
		“Scéal fíorspéisiúil dea-scríofa atá sa leabhar seo. Ina theannta sin tá an-saibhreas cainte ann, rud nach féidir a rá faoi gach úrscéal Gaeilge a foilsíodh le gairid.” —Nicholas Williams
		Is Fionlannach Panu Petteri Höglund, a rinne staidéar ar na teangacha Slavacha in Åbo Akademi .i. Ollscoil Sualainnise na Fionlainne. Bhí líofacht aige sa Pholainnis sular fhoghlaim sé a chéad fhocal Gaeilge riamh. Tá trí leabhar eile Gaeilge foilsithe aige: Sciorrfhocail (2009), An Leabhar Nimhe (2012) agus An Leabhar Craicinn (2013). Tá a inniúlacht mar scríbh­neoir le sonrú ar an leabhar deireanach seo uaidh.

Available from:

An Siopa Leabhar Baile Átha Cliath ••• Litriocht.com Trá Lí