<html><body style="word-wrap: break-word; -webkit-nbsp-mode: space; -webkit-line-break: after-white-space;"><div style="margin: 0px; font-size: 16px; font-family: 'Helvetica Neue';"><div style="margin: 0px;"><span style="letter-spacing: 0.0px">*dönu sedob penedi at dat kadäman alik kanon reidön oni.</span></div><div style="margin: 0px;"><span style="letter-spacing: 0.0px"><br></span></div><div style="margin: 0px;"><span style="letter-spacing: 0.0px">O kekadämans löfik!</span></div><div style="margin: 0px; min-height: 18px;"><span style="letter-spacing: 0.0px"></span><br></div><div style="margin: 0px;"><span style="letter-spacing: 0.0px">Ebespikölo ko cifal: ,Hermann' e kadämans: ,Shido’, ,Igor’, cedobs osi zesüdiki ad mobön vödis nulik flukas, sevabo:</span></div><div style="margin: 0px; min-height: 18px;"><span style="letter-spacing: 0.0px"></span><br></div><div style="margin: 0px;"><span style="letter-spacing: 0.0px">1) *mangod = ,mango’;</span></div><div style="margin: 0px;"><span style="letter-spacing: 0.0px">2) *duriod = ,durian’ (de latin: ,durio’);</span></div><div style="margin: 0px;"><span style="letter-spacing: 0.0px">3) *hülozär = ,dragon fruit’ (de latin: ,hylocereus’);</span></div><div style="margin: 0px;"><span style="letter-spacing: 0.0px">4) *vatamelun = ,watermelon’;</span></div><div style="margin: 0px;"><span style="letter-spacing: 0.0px">5) *mangost = ,mangosteen’;</span></div><div style="margin: 0px;"><span style="letter-spacing: 0.0px">6) *vaärod = ,Averrhoa carambola’;</span></div><div style="margin: 0px;"><span style="letter-spacing: 0.0px">7) *Yafeänapod, *Maläyänapod = ,Syzygium samarangense’;</span></div><div style="margin: 0px;"><span style="letter-spacing: 0.0px">8) *rambut = ,Nephelium lappaceum’ (de maläy: ,rambutan’);</span></div><div style="margin: 0px;"><span style="letter-spacing: 0.0px">9) *dimokarp = ,Dimocarpus longan’.</span></div><div style="margin: 0px;"><span style="letter-spacing: 0.0px">10) *kivid = ,kiwifruit’, leigodü böd, kel labon nemi dientifik in natapüks: ,Kiwi’: kivit.</span></div><div style="margin: 0px; min-height: 18px;"><span style="letter-spacing: 0.0px"></span><br></div><div style="margin: 0px;"><span style="letter-spacing: 0.0px">I vöd: *licid (,lychee’), kel dabinon in vödabuk söla: ,Ralph Midgley' pacalöfükonös!</span></div><div style="margin: 0px; min-height: 18px;"><span style="letter-spacing: 0.0px"></span><br></div><div style="margin: 0px;"><span style="letter-spacing: 0.0px">Flukis at kanoy anu tuvön pö topäds difik in vol, ab ün tim kü ,de Jong’ älifom, äbinons selediks, bi mödiks onas glofons te in vütropän.</span></div><div style="margin: 0px; min-height: 18px;"><span style="letter-spacing: 0.0px"></span><br></div><div style="margin: 0px;"><span style="letter-spacing: 0.0px">Kisi cedols-li tefü vöds at? Vögodobsös pro on!</span></div><div style="margin: 0px;"><span style="letter-spacing: 0.0px">Danö!</span></div><div style="margin: 0px; min-height: 18px;"><span style="letter-spacing: 0.0px"></span><br></div><div style="margin: 0px;"><span style="letter-spacing: 0.0px">Ladöfiko,</span></div><div style="margin: 0px;"><span style="letter-spacing: 0.0px">Danny.</span></div></div></body></html>