<html><head><meta http-equiv="content-type" content="text/html; charset=utf-8"></head><body dir="auto"><div><span style="color: rgb(69, 69, 69); text-decoration: -webkit-letterpress;">O kadämans stimik!</span><div style="color: rgb(69, 69, 69); text-decoration: -webkit-letterpress;"><br></div><div style="color: rgb(69, 69, 69); text-decoration: -webkit-letterpress;">Baicedob lölöfiko ko mobs at. Sevob, das el 'Danny Zhang' binom noe Volapükan jäfedik, kel nomädiko liegükom kulivi püka obsik, abi dalabom noli dibätik gramata e vödastoka. Süadob, das fuliko digädom cali at, e ko fred gretik ologob omi asä kadäman.</div><div style="color: rgb(69, 69, 69); text-decoration: -webkit-letterpress;"><br></div><div style="color: rgb(69, 69, 69); text-decoration: -webkit-letterpress;">I vilob danön eli '<span style="background-color: rgba(255, 255, 255, 0);">Sérgio </span>Meira' demü vobod legretik oma gönü Volapük, pato in bevüresod. </div><div style="color: rgb(69, 69, 69); text-decoration: -webkit-letterpress;">Memölo keblünotis veütik valik oma baicedob ko mob ad gevön ome stimatituli: stimakadäman.</div><div style="color: rgb(69, 69, 69); text-decoration: -webkit-letterpress;"><br></div><div style="color: rgb(69, 69, 69); text-decoration: -webkit-letterpress;">Ko glids ladöfik</div><div style="color: rgb(69, 69, 69); text-decoration: -webkit-letterpress;">Igor Wasilewski, kadäman</div></div><div><br>On Mar 1, 2017, at 17:24, Sérgio Meira <<a href="mailto:asehpe@gmail.com">asehpe@gmail.com</a>> wrote:<br><br></div><blockquote type="cite"><div><div dir="ltr">O cifal stimik e kadämans votik!<div><br></div><div>Fredob vemo, das Volapük laiglofön e das keblünots veütik nulik fa Volapükans legudik pelautöls nog pajafons! If laboböv timi saidik, nogna bejäfoböv dinis Volapükik, bi laikredob, das pük jönik hiela ,Schleyer' nedon paseivön e pabespikön fa mens valik.</div><div><br></div><div>Ab, liedö! atimo no kanob yufön, no kanob keblünön... Kanob te vipön oles benoseki e blesiri mödikis pö vob olsik gönü Volapük obas!</div><div><br></div><div><br></div><div>Glidis ladöfik mödik sedom</div><div>hiel ,Sérgio Meira'</div></div><div class="gmail_extra"><br><div class="gmail_quote">2017-02-28 14:09 GMT-03:00 Dan Morosof <span dir="ltr"><<a href="mailto:shido2308@yahoo.com" target="_blank">shido2308@yahoo.com</a>></span>:<br><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div><div style="color:#000;background-color:#fff;font-family:Helvetica Neue,Helvetica,Arial,Lucida Grande,sans-serif;font-size:16px"><div id="m_-7991789942065440711yui_3_16_0_ym19_1_1488300576365_4955">O stimiks cifal e kadämans votik!</div><div id="m_-7991789942065440711yui_3_16_0_ym19_1_1488300576365_4956"><br id="m_-7991789942065440711yui_3_16_0_ym19_1_1488300576365_4957"></div><div id="m_-7991789942065440711yui_3_16_0_ym19_1_1488300576365_4958">Me atos vilob nunön, das baicedob ko mobs bofik pelofädöl. </div><div id="m_-7991789942065440711yui_3_16_0_ym19_1_1488300576365_4959">Cifal ya eplänom veitöfiko, das hiel ‘Danny Zhang’ esevädükom oki as Volapükan vemo skilik e nendoto digädom ad vedön liman kadäma Volapüka. El ‘Danny Zhang’ ya eduinom mödikosi gönü Volapük, zuo noe penom gudiko Volapüki gebölo, abi spikom mudöfo.</div><div id="m_-7991789942065440711yui_3_16_0_ym19_1_1488300576365_4960">Leigüpo binos liedik, das hiel ‘Sérgio Meira’ no labom timi ad vobön gönü Volapük; vi! mödikos in lif mena sekidon de dinäds, no de vil ona. El ‘Sérgio Meira’ nendoto digädom stimatituli, bi ebenodistükom oki tefü Volapük e medü tradutods süperik, e medü digitükam vödemas mödik se el “Volapükagased pro Nedänapükans” pö jaf fonätadiläda ela ‘Wikipedia’. Nen vobods omik et samo ob no ekanoböv seivön mödikosi dö Volapük.</div><div id="m_-7991789942065440711yui_3_16_0_ym19_1_1488300576365_4961"><br id="m_-7991789942065440711yui_3_16_0_ym19_1_1488300576365_4962"></div><div id="m_-7991789942065440711yui_3_16_0_ym19_1_1488300576365_4963">Ko lestüm e glids ladöfik,</div><div id="m_-7991789942065440711yui_3_16_0_ym19_1_1488300576365_4964">Daniil Morozov,</div><div></div><div dir="ltr" id="m_-7991789942065440711yui_3_16_0_ym19_1_1488300576365_4965">vicifal</div> <div class="m_-7991789942065440711qtdSeparateBR"><br><br></div><div class="m_-7991789942065440711yahoo_quoted" style="display:block"> <div style="font-family:Helvetica Neue,Helvetica,Arial,Lucida Grande,sans-serif;font-size:16px"> <div style="font-family:HelveticaNeue,Helvetica Neue,Helvetica,Arial,Lucida Grande,без засечек;font-size:16px"> <div dir="ltr"><font size="2" face="Arial"> вторник, 28 февраля 2017 18:13 Hermann Philipps <<a href="mailto:hphilipps@onlinehome.de" target="_blank">hphilipps@onlinehome.de</a>> писал(а):<br></font></div>  <br><br> <div class="m_-7991789942065440711y_msg_container">2017, febul, 28<br><br>O kadämans stimik!    <br><br>Me atos vilob jonodön oles Volapükani yunik Tsyinänik: ‚Zhang Yutong’, <br>kel in Vesüdän gudikumo sevädom as ‚Danny Zhang’. Sis prim ela 2015 <br>ekevobom in Volapükagrups pö ‚Facebook’ e ‚Yahoo Groups’ me keblünots <br>lemödik. Äfünom Volapükaklubi Tsyinänik: „Märalän“.<br>In gased obsik: Vög Volapüka < omiks vödems e poedots rigik e se <br>tsyin, Yapäna- e Linglänapük petradutöls pänotükons, bevü ons: „Lid <br>godalüla“, „Kat blövik“, „Dis celabims“, „Äl mel, visü florem“, <br>„Drim“, „Richard Cory“, e ret. Enu enotükom pö ‚Facebook’ konoti: <br>„Rojats“.<br><br>Zuo nu prodom Vödabuki lölöfik: Volapük-tsyin. Alan, kel föro <br>esteifülon ad prodön u bevobön vödabuki Volapükik, sevon säkädis voba <br>somik. Läbo el ‚Danny’ i suemon Deutänapüki, e kludo vestigom noe <br>Volapükavödalisedis Linglänapükik, abi vödabuki Deutänapükik sa fövots <br>fa el ‚Arie de Jong’.<br><br>Pö vestig vödabukas el ‚Danny’ ätuvom vemikis vödis nekleilik, e dub <br>atos eyufom obes ad kleilükön vödis e vemo menodön vödabukis dabinöl.<br><br>Binom bal Volapükanas, kels nenzediko kompenons pö disputs e spods dö <br>pük obsik, e nu bemaston süperiko Volapüki.<br><br>Demü nol, zil e meritabs oma gönü Volapük e kobovob nabätik fütürik ko <br>om vicifal ed ob it cedobs, das el ‚Danny Zhang’ obinomöv liman mu <br>völadik kadäma. ,Danny Zhang' it binom löliko blümik ad fölön bligis <br>valik kadämana.<br><br>Ma bagaf: 5.2 num kadämanas binon jöl. Demü atos esäkob kadämani: <br>,Sérgio Meira’, va binomöv vilöfik ad gebidükön kadämanacali okik. Obs <br>valik sevobs gudiko meritabis oma gönü Volapük in paset, sevabo <br>Vükipedi, notükami Volapükagasedas in ‚Wikisource’, vödemis in gased: <br>„Sirkülapenäd“, keblünotis mödik in Volapükagrup pö ‚Yahoo Groups’, e <br>mödikosi votik.<br>El ‚Sérgio Meira’ ebaicedom, bi i atimo no labom timi saidik ad <br>bejäfön dinis Volapükik. Egespikom: „Fredob vemo, das Volapük <br>lailifon, e das binons Volapükans nulik, kels gebons e notükons püki <br>jönik obsik zü vol valik.“<br><br>Vätälü lopikos mobob, das kadämanef:<br>1ido, cälonös eli ‚Danny Zhang’ kadämani;<br>2ido, gevonös ele ‚Sérgio Meira’ stimatituli: stimakadäman.<br><br>Begob oles, das ogespikolsös ünü dels jöl (2017, mäzul, 8).<br><br>Ko glids ladöfik,<br>Hermann Philipps, cifal<br><br><br></div>  </div> </div>  </div></div></div></blockquote></div><br></div>
</div></blockquote></body></html>