<html><head></head><body><div style="color:#000; background-color:#fff; font-family:Helvetica Neue, Helvetica, Arial, Lucida Grande, sans-serif;font-size:16px"><div id="yui_3_16_0_1_1474469672243_12816">O kekadämans!</div><div id="yui_3_16_0_1_1474469672243_12816"><br></div><div id="yui_3_16_0_1_1474469672243_12816">Dido vödabuks e vödaliseds calöfiks ninädons vödis tumödik peresärföl pro fütür. Leigüpo vöds mödik pägebölas fabinon in fonäts dabinik vödabukik. Ogevob sami te bali, sevabo: el “leben”. Saitob:</div><div id="yui_3_16_0_1_1474469672243_12816">“Leplekols utosi, kelosi no sevols; obs leplekobs utosi, kelosi sevobs; ibä leben binon se yudans” (gospul ma ‘Ioannes’, kapit: 4, setem: 22). </div><div id="yui_3_16_0_1_1474469672243_12816">Cedob, das vöds somik binons gerot veütik de mastans Volapüka; vöds somik sümons ad div, keli no osötobsös perön, u voto: glömön. Obinos fikulik pö Volapükans fütürik ad reidön vödemis dasamik nen vödabuk labü vöds at. Kludo binos vipabik nu ad kobosukön vödis tio peglömölis, vestigölo staböfiko a vöd bal pos votik vödemis dabinik. Fe vobod at binonöv timiflagöl, ab dadunovik ä veütik. Klülos, das men bal no kanon-la ledunön vobodi sümik. I jinos boso nesiämik ad fümetön aifoviko vödis bisarik ä mödadilo nezesüdikis plas sukön e plänön vödis plago pegebölis.</div><div id="yui_3_16_0_1_1474469672243_12816"><br></div><div id="yui_3_16_0_1_1474469672243_12816">Ko lestüm,</div><div id="yui_3_16_0_1_1474469672243_12816">Daniel</div> <div class="qtdSeparateBR"><br><br></div><div class="yahoo_quoted" style="display: block;"> <div style="font-family: Helvetica Neue, Helvetica, Arial, Lucida Grande, sans-serif; font-size: 16px;"> <div style="font-family: HelveticaNeue, Helvetica Neue, Helvetica, Arial, Lucida Grande, без засечек; font-size: 16px;"> <div dir="ltr"><font size="2" face="Arial"> среда, 21 сентября 2016 18:46 Hermann Philipps <hphilipps@onlinehome.de> писал(а):<br></font></div>  <br><br> <div class="y_msg_container">O kadämans stimik!<br clear="none"><br clear="none">Ekö! nog setis anik tefü jafäd vödabukas:<br clear="none"><br clear="none">--- > No dabinons vöds nezesüdik, te vöds ne plu pageböls. ---<br clear="none"><br clear="none">Pos stud e bevob lunüpik vödabuka e fövotas fa el AdJ  sa vödemas in <br clear="none">Volapükagaseds täxetob, das zao bal jü tel kildils vödas in vödabuk e <br clear="none">pato in fövots ets neai pägebons plago in vödems. No "no plu", ab neföro.<br clear="none">Demü atos suvo fikulos at fümetön sinifis pedesinöl.<br clear="none"><br clear="none">Tefü geb nünömas pö jafäd vödabukas de fonäts difik: Nünöms binons <br clear="none">löliko stupiks.<br clear="none">Pas mutoyöv preparön kälöfiko fonätis at ön mod lönedik. Atos ye <br clear="none">binonöv timiflagöl e fikulik demü kaliet no-jäfüdisevik fonäta-dokümas <br clear="none">(äs sam: geb bundanik elas 'tab stops' e vagamalülas ('blank spaces') <br clear="none">mödikas pla miedadits kleilik vü padüls in vödaliseds).<br clear="none"><br clear="none">Kanoy dunön mödikosi, ab suvo atos no binon so fasilik, äsä ömans <br clear="none">jinons cedön.<br clear="none"><br clear="none">Ladöfiko,<br clear="none">Hermann<br clear="none"><br clear="none">Popenäd: Kiöpo binons-li kadämans retik?<br clear="none">---------------------------<br clear="none"><div class="yqt2418012768" id="yqtfd52304"><br clear="none">Am 20.09.2016 21:56, schrieb Brennus Volapükan:<br clear="none">> O Hermann stimik!<br clear="none">><br clear="none">> Dabinons utans, kels logons väri lafo fuliki, ed utans, kels logons<br clear="none">> väri ot lafo vagiki.   Too ob logob nemödikosi in vär Volapüka --<br clear="none">> ab nemödikos kios!   No vina u drinoda vifik ud ela Coca-Cola;  ab<br clear="none">> konyaka ud ela whisky, ud ela schnapps ud ela grappa ud ela vodka<br clear="none">> [kikodo labobs vödi 'konyak' ab no votikis‽] -- drinoda nämik,<br clear="none">> nevifik, gütik.<br clear="none">><br clear="none">> Du tim brefik, e dü galed olik, elogobs in resodapads obsik<br clear="none">> vödabukis e vödalisedis e gramatis plu ka ün degyels büik.   Igo in<br clear="none">> pened lätikün fa ol, esedol dokumi.   No kanoy u "daloy bedotön<br clear="none">> osi".<br clear="none">><br clear="none">> Mob obik dö vödalised anapükik binon mögik, bi sökon vifi voba nuik<br clear="none">> e yufi nünöma:  ebaicedob ko Daniel, das vödabuk ela Ralph binonöv<br clear="none">> prim e stab pötik.   Too no sötobs fümükön süperi püka linglik,<br clear="none">> patiko du labobs vödabuki calöfik (to döfs nemödik) e bali in fomät<br clear="none">> leäktronik, bofikis püka deutik, ed (if Cherpillod vipom) püka<br clear="none">> Esperanto.   Küpetob, das no eletol vödis nedik in lised 'Fövots<br clear="none">> ... sa VpN'.   Ven polisedons vöds nulik in 'Vög Volapüka' fasiliko<br clear="none">> okanons paninükön ini lised stabik, kobiko ko saitatop, bi yumed at<br clear="none">> oyufon kleilükumön sinifi, e neai mögos tradutön vödi lölöfiko<br clear="none">> verätiko se pük bal ini pük votik.<br clear="none">><br clear="none">> Äsä no sötobs datuvön nen zesüd vödis nulik, sötobs dakipön vödis<br clear="none">> valik Volapüka di e po Arie de Jong;  voto penäds vönikum, a.s.<br clear="none">> 'Volapükagased pro nedänapükans' no okanons pasuemön lölöfiko.<br clear="none">> Binobs tütans mükik püka at, e no kanobs votükön oni ini pük difik.<br clear="none">> No dabinons vöds nezesüdik, te vöds ne plu pageböls.<br clear="none">><br clear="none">> Kodü atos e bi labobs ya lisedis in püks plu ka bal, e, do primo<br clear="none">> lütirobs slopanis nulik medü liseds fasilikum balpükik [liedo<br clear="none">> döfiks, do nedöf binon neflen guda], Volapük binon bevünetik.<br clear="none">><br clear="none">> Dö vödalised Volapük-Volapük, eküpetob, das du ebespikobs miedetis<br clear="none">> e sinifis vödas, egebobs vödis Volapüka, kelis okanobs läükön a<br clear="none">> bal.   Fümiko binons nemödik -  ab lised at obinon din votik, no<br clear="none">> sunik.<br clear="none">><br clear="none">> Battista Guarino (1434-1513) in vobot omik 'De ordine docendi et<br clear="none">> studendi' [Dö bit tidama e studama] (ISBN 0-674-00759-X), keli fädo<br clear="none">> ereidob edelo, saiton eli Plutarch (De educ. 13 (Mor.9F), pesaitöl<br clear="none">> fa Hesiod (Op. 361-362): "Parvula si tentes superadjecisse<br clear="none">> pusillis, Idque frequens peragas, grandis cumulatur acervum"<br clear="none">> [Smalikosis if estefüloy suiläükön me bosils, ed atosi suvo dunoy,<br clear="none">> masat gretik pokumon]<br clear="none">><br clear="none">> Mobs oba non binons "jöniks" -- dabinons hogs, äsä esagob.   Gudiko<br clear="none">> äsevob, das lised de Volapükagased äninadon penamapökis;  ab nen<br clear="none">> pöks ettimik neai nu dabinonöv.   Too okanobs kanädükön steifülis<br clear="none">> obsik nuik ini fin frutik, plagik, flekik, ma spid nuik progedama.<br clear="none">> Vobatim pluik no poflagon.<br clear="none">><br clear="none">> Ko glids ladöfik,<br clear="none">><br clear="none">> Brian<br clear="none">><br clear="none">><br clear="none">><br clear="none"><br clear="none">_______________________________________________<br clear="none">Kadam mailing list<br clear="none"><a shape="rect" ymailto="mailto:Kadam@evertype.com" href="mailto:Kadam@evertype.com">Kadam@evertype.com</a><br clear="none"><a shape="rect" href="http://evertype.com/mailman/listinfo/kadam_evertype.com" target="_blank">http://evertype.com/mailman/listinfo/kadam_evertype.com</a><br clear="none"></div><br><br></div>  </div> </div>  </div></div></body></html>