<html><head></head><body><div style="color:#000; background-color:#fff; font-family:Helvetica Neue, Helvetica, Arial, Lucida Grande, sans-serif;font-size:16px"><div id="yui_3_16_0_ym19_1_1472616583639_4566" dir="ltr">O kadämans stimik!</div><div id="yui_3_16_0_ym19_1_1472616583639_4566" dir="ltr"><br></div><div id="yui_3_16_0_ym19_1_1472616583639_4566" dir="ltr">Lovesedob oles säkis, kelis enu elonülom obe hiel ‘Danny Zhang’ ü ‘Zhang Yutong’. Cedob, das no dalob begespikön soelölo onis.</div><div id="yui_3_16_0_ym19_1_1472616583639_4566" dir="ltr"><br></div><div id="yui_3_16_0_ym19_1_1472616583639_4566" dir="ltr">“Nog lonülob säkis kil tefü vöds primü tonat: h:</div><div id="yui_3_16_0_ym19_1_1472616583639_4566" dir="ltr">a). etuvob vödi somik se vödabuk ela ,de Jong’: heat < po kel paplänon: ,hiatus’ Deut. Too, vöd: ,hiatus’ < sinifon mödikosi in Deut. in jäfüds difik. Samo in pükav sinifon uti kü tonats bofik papronons äsva binons-la tonat bal. Dabinons i pläns in biolog, e rets. Kis binon-li utos, kel vöd at sinifon?</div><div id="yui_3_16_0_ym19_1_1472616583639_4566" dir="ltr"><br></div><div id="yui_3_16_0_ym19_1_1472616583639_4566" dir="ltr">ä). Vöd: humen < paplänon in vödabuk as buks u lärnods rigädiks pälautöls in Vöna=Grikänapük u latinapük. Too vöd: humenim < i dabinon, kel paplänon as: ,humanism’ Lingl. Verätos-li?</div><div id="yui_3_16_0_ym19_1_1472616583639_4566" dir="ltr"><br></div><div id="yui_3_16_0_ym19_1_1472616583639_4566" dir="ltr">b). Vöd: hüdrol < bai vödabuk ot sinifon eli ,Hydraulik’ in Deut. Too, vöd at Deut. labon sinifis tel, sevabo: 1). jäfüd nola, in kel geb vatanäma pastudon; e 2): cinem u sit, kel pamekon ko nol ot. Kin veräton-li?” </div><div id="yui_3_16_0_ym19_1_1472616583639_4566" dir="ltr">(fin saitota)</div><div id="yui_3_16_0_ym19_1_1472616583639_4566" dir="ltr"><br></div><div id="yui_3_16_0_ym19_1_1472616583639_4566" dir="ltr">Tefü nümed: “b” mobob, das el “hüdrol” omalon räyuni nolava, e cin ponemon “cin(em) hüdrolik” u “hüdrolacin(em)”.</div><div id="yui_3_16_0_ym19_1_1472616583639_4566" dir="ltr">Tefü nümed: “ä” säk esüikon pö ob: humenimans binons-li te dunans renäsana, kels voiko änitedälons pro humens? U kanoy-li nemön me vöd ot i timakompenanis obas? Ad malam lätikanas okanobsöv defomön vödi plu suemoviki, as sam: *menätim. Säk nog votik: fom balnumik “humen” labon-li sinifi kinik? Malon-li nolavi alik Vöna-Grikäni e Romäni teföli? </div><div id="yui_3_16_0_ym19_1_1472616583639_4566" dir="ltr">Tefü nümed: “a” sevob te vödedi pükavik. Moboböv ad gebön eli “heat” ön mod somik efe pükavik.</div><div id="yui_3_16_0_ym19_1_1472616583639_4566" dir="ltr"><br></div><div id="yui_3_16_0_ym19_1_1472616583639_4566" dir="ltr">Ko glids ladöfik,</div><div id="yui_3_16_0_ym19_1_1472616583639_4566" dir="ltr">Daniel<br></div></div></body></html>