<html><head></head><body><div style="color:#000; background-color:#fff; font-family:Helvetica Neue, Helvetica, Arial, Lucida Grande, sans-serif;font-size:16px"><div id="yui_3_16_0_ym19_1_1472397773778_24488">O kadämans stimik!</div><div id="yui_3_16_0_ym19_1_1472397773778_24488"><br></div><div id="yui_3_16_0_ym19_1_1472397773778_24488">Fovob ad bejäfön vödis pemäniotöl.</div><div id="yui_3_16_0_ym19_1_1472397773778_24488">Vöds: “fe, ga, dido” malons jenöfi bosa. Too difüls siämik e süntagiks dabinons.</div><div id="yui_3_16_0_ym19_1_1472397773778_24488">Fe</div><div id="yui_3_16_0_ym19_1_1472397773778_24488">1. El “fe” suvo pagebon as dil stukota “fe… ab…” (Deutänapüko: ‘zwar… doch…’; Rusänapüko: ‘koneczno… no…; hotj i… vsyo-taki…’). Ekö! sams anik:</div><div id="yui_3_16_0_ym19_1_1472397773778_24488">a) ‘Ioannes’ fe no eduinom milagis, ab val, keli ‘Ioannes’ äsagom dö om, äbinon veratik (gospul ma ‘Ioannes’: X, 41).</div><div id="yui_3_16_0_ym19_1_1472397773778_24488">ä) Fe äbinols büikumo slafans sinodas, ab efölols ladöfo diseinäti lejona (pened de ‘Paulus’ elanes di ‘Roma’: VI, 17).</div><div id="yui_3_16_0_ym19_1_1472397773778_24488">b) Fe äfabinob koapo, ab lanöfo äkomob lä ols… (pened balid de ‘Paulus’ elanes di ‘Corinthos’: V, 3)</div><div id="yui_3_16_0_ym19_1_1472397773778_24488">Pö tikodayumäts sümik el “fe” sümon ad dil grupa nedeteilovik konyunas tel e sümedon vöds “do, toä”.</div><div id="yui_3_16_0_ym19_1_1472397773778_24488">2. Semikna el “fe” sümedon els “vo, nendoto”. Sam:</div><div id="yui_3_16_0_ym19_1_1472397773778_24488">…stigädolsöd odis, e devodükolsöd odis, äsä fe dunols! (pened balid de ‘Paulus’ elanes di ‘Thessalonica’: V, 11)</div><div id="yui_3_16_0_ym19_1_1472397773778_24488">3. Semikna el “fe” nilikon ma sinif lü vöds “sovemo, somödiko”. Sam:</div><div id="yui_3_16_0_ym19_1_1472397773778_24488">…ab meibobsöd obes, fe plüo, plü del gretik nilikon! (pened de ‘Paulus’ hebreyanes: X, 25)</div><div id="yui_3_16_0_ym19_1_1472397773778_24488">Cedob, das pö tikodayumät at el “fe” id ejäfidon ön mod konyuna.</div><div id="yui_3_16_0_ym19_1_1472397773778_24488">4. I dabinon notodot: “fe ga”. Notodot at pägebon balna pö tikodayumät sököl:</div><div id="yui_3_16_0_ym19_1_1472397773778_24488">“Linglänan äsagom nosi, ab kuratiko tü düp degid änexänom ma kösöm ve tridem ed änüstepom ini bötädöp. Äbinom fe ga Linglänan”.</div><div id="yui_3_16_0_ym19_1_1472397773778_24488">Kisi el “fe ga” is sinifon-li? Cedob, das daloyöv votafomülön seti lätik ön mod sököl:</div><div id="yui_3_16_0_ym19_1_1472397773778_24507">“Eklülädos, das man et äbinom Linglänan voik.”</div><div id="yui_3_16_0_ym19_1_1472397773778_24507">Kludo leigätods sököl mögons ad “fe ga” in Rusänapük: ‘i vpryamj, vsyo zhe’. Cedü ob, okanoyöv tuvön i leigätodi(s) tsyinik.</div><div id="yui_3_16_0_ym19_1_1472397773778_24507"><br></div><div id="yui_3_16_0_ym19_1_1472397773778_24507">Ga</div><div id="yui_3_16_0_ym19_1_1472397773778_24507">Äsä el “go”, vöd “ga” ma siäm sümedon vemo vödüls natapükas difik. El “ga” sinifon elis “fümo, ibä, jenöfo”. Pö säkasets els “ga” ed “üfo” binons leigasinifavöds. Leigodolsös setis sököl:</div><div id="yui_3_16_0_ym19_1_1472397773778_24507">a) Kin ga binol-li, o men! das taspikol Gode?</div><div id="yui_3_16_0_ym19_1_1472397773778_24507">ä) If God binom pro obs, kin üfo obinon-li ta obs?</div><div id="yui_3_16_0_ym19_1_1472397773778_24507">El “ga” kazeton vödi, vemükon verati ona. Sams:</div><div id="yui_3_16_0_ym19_1_1472397773778_24507">ga no = vero, fümo no; leno</div><div id="yui_3_16_0_ym19_1_1472397773778_24507">ga sio = vero, fümo sio</div><div id="yui_3_16_0_ym19_1_1472397773778_24507">Vödalölot “ga no” binon suvöfik in diatek nulik.</div><div id="yui_3_16_0_ym19_1_1472397773778_24518">Semikna el “ga” labon difüli siämik taduna u taädama. Ekö! sams anik:</div><div id="yui_3_16_0_ym19_1_1472397773778_24518">a) If pagans, kels no labons lonemi, ga dunons oksao ma lonem, do no labons lonemi, tän binons pro oks it lonem (pened de ‘Paulus’ elanes di ‘Roma’: II, 14).</div><div id="yui_3_16_0_ym19_1_1472397773778_24518">ä) To proib oba ga esegolom. (el “Gramat Volapüka”, bagaf: 214, nümed: 7)</div><div id="yui_3_16_0_ym19_1_1472397773778_24522"><br></div><div id="yui_3_16_0_ym19_1_1472397773778_24522"><br></div><div id="yui_3_16_0_ym19_1_1472397773778_24522">Pö vätäl vödas: “ga, go” säk esüikon pö ob, sevabo: ba mutobs-li dasevön, das in Volapük vödabid nog bal dabinon efe vödül?</div><div id="yui_3_16_0_ym19_1_1472397773778_24522"><br></div><div id="yui_3_16_0_ym19_1_1472397773778_24522">Tefü “dido” cedob, das tradutod Linglänapükik ‘indeed’ binon saido gudik. El “dido” sinifon elis “jenöfo, klülo”. Ye suvo binos nemögik ad sludön, vöd kinik atas (“dido” u “jenöfo”) binon teiko verätik pö tikodayumät semik.</div><div id="yui_3_16_0_ym19_1_1472397773778_24522"><br></div><div id="yui_3_16_0_ym19_1_1472397773778_24522">Ko lestüm,</div><div id="yui_3_16_0_ym19_1_1472397773778_24307"></div><div dir="ltr" id="yui_3_16_0_ym19_1_1472397773778_24531">Daniel</div> <div class="qtdSeparateBR"><br><br></div><div class="yahoo_quoted" style="display: block;"> <div style="font-family: Helvetica Neue, Helvetica, Arial, Lucida Grande, sans-serif; font-size: 16px;"> <div style="font-family: HelveticaNeue, Helvetica Neue, Helvetica, Arial, Lucida Grande, без засечек; font-size: 16px;"> <div dir="ltr"><font size="2" face="Arial"> четверг, 25 августа 2016 16:14 Hermann Philipps <hphilipps@onlinehome.de> писал(а):<br></font></div>  <br><br> <div class="y_msg_container">O ,Danny' löfik!<br><br>Danob oli demü säks olik, bi suvo vitob ad bejäfön dinis in Volapük, <br>kelis no kanoy tuvedön fasiliko, ye säks olik mütons obi ad dunön osi <br>too. Desirob ad jäfükön i kadämi tefü säks at.<br><br>Jinos, das boso epölob dö ,,büadön".<br>Volapük labon vödis so mödikis tefü el ,to command' e ret, das dido <br>mutob vestigön säkädi dö stamäds elas büd-, büad-, büed- sa <br>defomamavöds tefik as sams: dalebüd, lebüd, büdül, e ret.<br>I ladvärbs: dido, fe, efe, ga, vemo, go < kodons säkädis, kelis <br>ovestigob kuratikumo.<br><br>Ye dinis tel kanob ya plänön vifiko.<br><br>(ä) büsagön = to tell beforehand, to foretell, to predict (in a single <br>instance, like a weather forecast or the likely outcome of some action <br>or situation).<br>büosagön = to divine, to augur, to prophesy (as a seer or soothsayer).<br><br>(c): Äsä ya eniludol, el ,,jkapreol" binon penamapök.<br>Vöd verätik binon ,jikapreol' = Lingl.: ,female deer, doe'. Vöd: <br>jkapreol < no dabinon.<br><br>Nog ovestigob säkädis dö nümeds: (a) e (b).<br><br>Ladöfiko,<br>Hermann Ph.,<br>cifal<br>-------------------------------------------<br><br>Am 25.08.2016 04:48, schrieb Daniel Zhang:<br>> O Hermann löfik!<br>><br>><br>> Pardolös obe gespiki lätik! eblibob in Yapän jü ädel…<br>><br>> Danob oli demü pläns so frutiks! Nu esuemob mödiki onas, ab dabinons<br>> nog säks anik, kelis vilob säkön.<br>><br>> a). tefü el ,,büadön’’ ->.lio täno difon-li ko vöd: büdön?<br>><br>> ä). tefü els ,,bü=, büo=‘’ -> jinos, das vöds: büsagön, büosagön <<br>> dabinons. Lio difons-li?<br>><br>> b). Dabinons vöds anik, kels cedü ob binons pluuneplu dientifiks:<br>> dido, fe, ga < e: vemo, go. Jinos, das hiel ,de Jong’ ägivom plänis<br>> Deut. sinifis vemo sümikis labölis. Lio distidoy-li vödis at?<br>><br>> c). Etuvob vödi at: jkapreol < se vödabuk ela ,de Jong’. Äcedob primo,<br>> das atos binonöv bükapök pro vöd: jikapreol < bi pläns pepenöls binon<br>> ebo ot. Too, täno id etuvob, das in vödabuk ot i dabinon vöd:<br>> jikapreol < e vöd: jkapreol < papladon po vöds valik primü el ,,ji=“.<br>> Binon-li jenöfo ebo pök?<br>><br>> Danö!<br>><br>> Glidis ladöfik!<br>> Danny.<br>><br>><br>> Hermann Philipps <<a ymailto="mailto:hphilipps@onlinehome.de" href="mailto:hphilipps@onlinehome.de">hphilipps@onlinehome.de</a><br>> <mailto:<a ymailto="mailto:hphilipps@onlinehome.de" href="mailto:hphilipps@onlinehome.de">hphilipps@onlinehome.de</a>>> 於 2016/8/11 下午11:36 寫道:<br>><br>>> O Danny löfik!<br>>> Pardolös obe zögi so lunüpiki.<br>>><br>>> ä) Tefü els "färmänt" e "näzüm":<br>>> Evestigob kudadini at. In Deutänapük vöds bofik, sevabo els<br>>> "färmänt" ('Ferment') e "näzüm" ('Enzym') dabinons, e vöds at labons<br>>> sinifi leigik. Ye vöd „Ferment“ (färmänt = femastöf) binon vönädik<br>>> -- pägebon bü 1878. Sis 1878 geboy kösömiko vödedi „Enzym“ in<br>>> Deutänapük.<br>>> Vöd: näzüm < enüdugon ini Volapük ün yel 1953.<br>>> näzüm: Kobot kiemik jäfidämik in siül lifik pafomöl, kel stiron eli<br>>> ‘metabolism’ nogana.<br>>><br>>> Id in Nedänapük dist no dabinon vü ‘enzym’ e ‘ferment’ ("Enzymen, of<br>>> fermenten, zijn eiwitachtige stoffen, die ..."<br>>><br>>> Linglänapük binon kuratikum:<br>>> "ferment -- anything that causes fermentation, as a yeast,<br>>> bacterium, mold, or enzyme“.<br>>><br>>> Vöds Volapükik bofik fe neföro pägebons in vödems dabinik, klu no<br>>> sevobs tikodis ela A.d.J. dö sinifs kuratik onas.<br>>><br>>> Too cedob, das sötobsöd gebön miedetis Linglänapükik demü distid<br>>> kuratikum vödas at.<br>>> ----------------------------------<br>>> Vöds sümik:<br>>><br>>> a. balädik ~ balälik (=ädükön)<br>>> Ad suemön vödis at, mutoy vätälön sinifis poyomotas: -äd ed -äl.<br>>><br>>> El -äd malon kösömo dabinoti valemikum ka els -ot, -od, -ät, -ed.<br>>> baläd = 'contract, agreement' (pepenöl u pespiköl); el "balädik"<br>>> kludo sinifon eli 'in accordance with a contract or agreement, by<br>>> agreement (written or spoken)'.<br>>> balädükön = 'to come to an agreement about ....<br>>> El "balädik" kludo binon ladyek tefü 'contract, agreement' somik<br>>><br>>> El -äl malon bosi tikälik, lanik.<br>>> baläl = 'mental disposition towards harmony / concord,<br>>> harmoniousness, unity'<br>>> tapladü nebaläl = 'discord'; nebalälik = 'disunited, in<br>>> disagreement, discordant'.<br>>> Kludo el "balälik" binon ladyek eli 'being in concord' malöl.<br>>><br>>> ä. badöfik ~ badälik<br>>> 'having a bad attitude' ~ 'having a malicious character'. Fe koefob,<br>>> das dist vü sinifs vödas at no vemon. Steifolös ad tuvön samis in<br>>> vödems dabinik.<br>>><br>>> b. benik ~ gudik ~ brafik<br>>> 'being in good shape / health etc.'<br>>> ~ 'good'<br>>> ~ 'dutiful, well-behaved, competent'<br>>><br>>> c. bid ~ sot<br>>> 'a category, class'<br>>> ~ 'sort, a kind'<br>>><br>>> d. boed ~ boadaplatot<br>>> 'a plank (of any material)'<br>>> ~ 'a slab / panel of wood'. Ömna "boed" i kanon binön "boadaplatot<br>>> lunädik".<br>>><br>>> e. boid ~ däk<br>>> boid ='ship environment' (ye stamäd at in vödems dabinik te pägebon<br>>> as värb (boidön = 'to place on a ship').<br>>> ~ däk: vöd at neföro in vödems dabinik, klu no sevob sinifi kuratik.<br>>> Ba: 'Verdeck' = 'canopy, top, hood'.<br>>><br>>> f. böfik (=ön) ~ drolik ~ cogik<br>>> böfik = 'burlesque, farcical, characterized by buffoonery'.<br>>> böfön = 'to act in a "böfik" way'.<br>>> ~ drolik = 'droll, funny'.<br>>> ~ cogik = 'playful, joking, jocular'.<br>>><br>>> g. bumäd ~ bumot<br>>> '(any) construction'<br>>> ~ 'building'<br>>><br>>> h. foyümots: büo= ~ bü=, asä in vöds: bülogön ~ büologön<br>>> Ön jenets at els "büo" e "bü" no binons foyümots ab ladvärb e präpod<br>>> as dils koboyümavödas pageböls. Logolös eli "Gramat Volapüka",<br>>> noeti: 13 (pads: 46, 47).<br>>> Neföro elogob värbi: *bülogön. No cedob, das värb at labon siämi seimik.<br>>> büologön = logön büo, e ret.<br>>> Liedo no kanob plänön värbis, kels pefomons medü präpod: bü. Mutoy<br>>> zepön onis nen plän, if komädons in vödabuks e fövots calöfik.<br>>><br>>> i.  büadön ~ büdülön<br>>> 'to order, to command'<br>>> ~ 'to direct, to impose, to dispose' (peniko)<br>>><br>>> E tefü vöds kil:<br>>><br>>> a. Kanoy-li gebön vödi: bigik < ad bepenön pösodi (Lingl.: fat)?<br>>> Si!<br>>><br>>> ä. Vöd: büsid < (Ling. ,business', Deut. ,Geschäft‘) sinifon<br>>> natapüko e bosi tefü ted u fien, e dinis vemo veütikis. Kin veräton-li?<br>>> Büsid tefon te tedi e finen sa dinäds sümik.<br>>> Vöd: büsid < no pagebon ad malön valemiko dinis veütik, äsä geboy<br>>> vödi: 'business' in Linglänapük.<br>>><br>>> b. Vöd: balionan < (Deut. ,Millionär‘) jinon sinifön eki, kel liegon<br>>> vemo. Verätos-li?<br>>> Verätos, ye pösod somik muton labön mödöti plu balion monastabäda<br>>> seimik.<br>>><br>>> Ladöfiko,<br>>> Hermann<br>>> ------------------------------------<br>>><br>>> Am 21.07.2016 13:17, schrieb Daniel Zhang:<br>>>> O Hermann löfik!<br>>>><br>>>><br>>>> Danob oli demü plän!<br>>>> Id etuvob bosi nulik e mögik tefü vöds pesäköl:<br>>>><br>>>> a). tefü el ,,blog’’:<br>>>><br>>>> Logolös! :<br>>>> <a href="https://de.wikipedia.org/wiki/Papier#Normma.C3.9Fe_f.C3.BCr_Papier" target="_blank">https://de.wikipedia.org/wiki/Papier#Normma.C3.9Fe_f.C3.BCr_Papier</a><br>>>> Anu fümob vemo dö ut, keli vöd at sinifon -> ,a sheet’. in tsyin ,<br>>>> 全张’.<br>>>> Bai plän su ,Wikipedia’, blog binon papür lölöfik ä mafot papüra, keli<br>>>> kanoy dilön ini bleds 8 (pads 16), ven ini buk pabükon. Zu atos, blogs<br>>>> 500 (25*20) möos a ,Ries’ bal.<br>>>><br>>>> ä). tefü el ,,färmänt”:<br>>>><br>>>> Id edisputob tefü atos ko hiel ,Daniel’ bü brefüpo. Jinos, das sinif<br>>>> in Deut., efe el ,Ferment’, i sinifon eli ,Enzyme’ Linglänapüko.<br>>>> Mögos-la, das sinifon femastöfi kiemavik ä biologik, efe el ,Enzym’?<br>>>> Too etuvob dido vödi: ,näzüm’ in vödabuk votik, ab vöd et no pubon in<br>>>> vödabuk calöfik hiela ,de Jong’.<br>>>><br>>>> Zuo i vipob ad säkön ole vödis votik:<br>>>><br>>>> Vöds sümik:<br>>>><br>>>> a. balädik ~ balälik (=ädükön)<br>>>> ä. badöfik ~ badälik<br>>>> b. benik ~ gudik ~ brafik<br>>>> c. bid ~ sot<br>>>> d. boed ~ boadaplatot<br>>>> e. boid ~ däk<br>>>> f. böfik (=ön) ~ drolik ~ cogik<br>>>> g. bumäd bumot<br>>>> h. foyümots: büo= ~ bü=, asä in vöds: bülogön ~ büologön<br>>>> i.  büadön ~büdülön<br>>>><br>>>> E tefü vöds kil:<br>>>><br>>>> a. Kanoy-li gebön vödi: bigik < ad bepenön pösodi (Lingl.: fat)?<br>>>> ä. Vöd: büsid < (Ling. ,business', Deut. ,Geschäft’) sinifon natapüko<br>>>> e bosi tefü ted u fien, e dinis vemo veütikis. Kin veräton-li?<br>>>> b. Vöd: balionan < (Deut. ,Millionär’) jinon sinifön eki, kel liegon<br>>>> vemo. Verätos-li?<br>>>><br>>>> Pardolös obe penedi somo luniki e säkis nefinovik (xD)!<br>>>><br>>>><br>>>> Flenöfiko.<br>>>> Danny.<br>>>><br>>>> <<a href="https://de.wikipedia.org/wiki/Papier#Normma.C3.9Fe_f.C3.BCr_Papier" target="_blank">https://de.wikipedia.org/wiki/Papier#Normma.C3.9Fe_f.C3.BCr_Papier</a>><br>>>><br>>>> <<a href="https://de.wikipedia.org/wiki/Papier#Normma.C3.9Fe_f.C3.BCr_Papier" target="_blank">https://de.wikipedia.org/wiki/Papier#Normma.C3.9Fe_f.C3.BCr_Papier</a>><br>>>> Hermann Philipps <<a ymailto="mailto:hphilipps@onlinehome.de" href="mailto:hphilipps@onlinehome.de">hphilipps@onlinehome.de</a><br>>>> <mailto:<a ymailto="mailto:hphilipps@onlinehome.de" href="mailto:hphilipps@onlinehome.de">hphilipps@onlinehome.de</a>><br>>>> <mailto:<a ymailto="mailto:hphilipps@onlinehome.de" href="mailto:hphilipps@onlinehome.de">hphilipps@onlinehome.de</a>>> 於 2016/7/20 下午10:04 寫道:<br>>>><br>>>>> O Danny löfik!<br>>>>><br>>>>> Ekö! Etuvob bosi nitedik dö blogs:<br>>>>> <a href="https://en.wikipedia.org/wiki/Imposition" target="_blank">https://en.wikipedia.org/wiki/Imposition</a><br>>>>><br>>>>> Ladöfiko,<br>>>>> Hermann<br>>>>><br>>>>> Am 17.07.2016 08:49, schrieb Daniel Zhang:<br>>>>>> O Hermann löfik!<br>>>>>><br>>>>>><br>>>>>> Danob oli levemo demü gespik olik!<br>>>>>><br>>>>>> Ekö! säks votik patiko tefü vöds sümik.<br>>>>>><br>>>>>> bijut - bijutül;<br>>>>>> dädik - dämik;<br>>>>>> döem - drop;<br>>>>>> drined - drinod - drinot;<br>>>>>> femön - färmäntön;<br>>>>>> disputön - feitön;<br>>>>>> bät - bätod.<br>>>>>><br>>>>>> Ä vöds ömik, kel binons difaplänoviks u nesuemoviks:<br>>>>>><br>>>>>> a). Vöd: blog. Etuvob seti somik in fonun vödabuka hiela ,de Jong’:<br>>>>>> ,, …Vödabuka at te blogs 14 (sevabo pads 224)…’’.<br>>>>>> Jinos, das vöd at sinifon mafoti papüra, ab kis atos binon-li<br>>>>>> kuratikumo?<br>>>>>><br>>>>>> b). Vöd: bar. Etuvob vödi at in te vödabuk hiela ,de Jong’ pälautöl,<br>>>>>> ko sinif Deut.: Barre. Too, bai vödabuks votik, el ,Barre’ sinifon<br>>>>>> bofiko eli ,Sandbank’ ed eli ,Bar’ Lingl.. Kin binon-li verätik?<br>>>>>><br>>>>>> c). Vöd: dientif. Bai vödems petuvöl, vöd at muton sinifön eli<br>>>>>> ,Identification’ sümiko äs ut in vöd: ,dientifäd’, sevabo dientif<br>>>>>> eka.<br>>>>>> Too, jinos, das ladyek: dientifik < sinifon bosi, kel binon vemo<br>>>>>> sümik<br>>>>>> (ü ,identical’) ad din votik, äsä in vöds: dientifikön, dientifükön.<br>>>>>> Verätos-li?<br>>>>>><br>>>>>> Dönu vipob ad danön oli demü yuf gretik ola, o ,Hermann’ löfik!<br>>>>>><br>>>>>><br>>>>>> Glidis flenöfik!<br>>>>>> Danny.<br>><br><br>_______________________________________________<br>Kadam mailing list<br><a ymailto="mailto:Kadam@evertype.com" href="mailto:Kadam@evertype.com">Kadam@evertype.com</a><br><a href="http://evertype.com/mailman/listinfo/kadam_evertype.com" target="_blank">http://evertype.com/mailman/listinfo/kadam_evertype.com</a><br><br><br></div>  </div> </div>  </div></div></body></html>