<div>O Kadämans legudik!<div><br></div><div>Veratiko no labob atimo timi saidik ad kevobön ko ols gönü Volapükamuf nulik. Ba cedols, das no vilob keyufön, das no vilob duinön valikosi ad gretikumön pladi Volapüka in vol, das no vilob laikeblunön literate volapükik. Ab atos no veraton.</div>

<div><br></div><div>Tradutods obik äbinon pro ob fon freda vemik, e dinit Kadämana, keli egivom obe cifal obsik, binon bal dinas gudikün, kels äjenons obe yelü 2007.</div><div><br></div><div>Sed atimo no labob, liedö! timi ad kevobön ko ols. Stadät obik i obikanas binon anu difik; labobs sakädis gretik ad tuvedön. If atos sinifon, das no dalob laibinön Kadäman Volapüka... So binonös, liedö!</div>

<div><br></div><div>Ävilob tradutön buki balid hiela Harry Potter volapüko. Ya etradutob padis primik degtel. Ab ya no kanob laitradutön...</div><div><br></div><div>Lif no dabinon ad fredükön obis, sed ad givön valikose dabinamögodi. Atos muton saidikön. :-)</div>

<div><br></div><div>Glidis stedälikün sedom</div><div>hiel Sérgio Meira se Nedän</div></div>