<html>
  <head>

    <meta http-equiv="content-type" content="text/html; charset=ISO-8859-1">
  </head>
  <body bgcolor="#FFFFFF" text="#000000">
    <div align="center"><u>KADÄM  BEVÜNETIK  VOLAPÜKA</u><br>
      <br>
      <div align="right">Tü del balid tobiula, yela 2012.<br>
        <br>
        <div align="left">O Kadämans digik!<br>
          <br>
              Jünu Vi-Cifal Soga Bevünetik Volapüka ebinom Kadäman
          Gasper.<br>
          <br>
              Ye bi tävom mödo, etuvom, das no labom timi saidik ad
          dedietön Vi-Cifalame.   Cifal ebespikom ko om fikulis in tef
          at bü nelunüp, e fino Kadäman Gasper esludom,  dälü Cifal, ad
          no  plu binön Vi-Cifal;   kodü atos, Cifal elibükom omi de
          bligs valik oma Vi-Cifalama.   Too Kadäman Gasper vilom fövön
          limanami Kadäma, e Cifal efredom ad baicedön in tef at.<br>
          <br>
              Sekü atos, binobs anu nen Vi-Cifal, kel binon cal go
          veütik in Volapanef.   Ma statuds obas, Vi-Cifal binon pösod
          veütikün, bi preparon oki ad seimüpo plaädön Cifali, u
          nelaidüpiko, u laidüpiko, e muton sevön ad gudiko kevobön ko
          Cifal attimik.   Fino oyufon Cifali in valem.<br>
          <br>
              Äsä ya epenob osi, Vi-Cifal binon calan go veütik, bi
          seimüpo (spelabo!) pösod at obinon Cifal ad dugön, kuradükön,
          e nämükön Volapükanefi da vol.<br>
          <br>
              Seko obinos gudik, das Kadämans betikonsös dini fefik at.<br>
          <br>
              No glömolsös, begö! das:<br>
          <br>
          1.    Volapükaflen alik kanon vedön Vi-Cifal.   (No muton
          binön Kadäman);<br>
          <br>
          2.    Lisitan muton gudiko sevön Volapüki  (Klülabiko!);<br>
          <br>
          3.    No kanoy nemön pösodi nen baiced pösoda tefik. 
          (Sevabo:  pösod obinon vilöfik ad zepön cali somik, üf
          polofonöv one);<br>
          <br>
                  Gudiko sevob, das no okanobs tuvön pösodi pötöfik 'ünü
          minuts lul,'  ab fümo kanobs sunädo betikön dini veütik at.<br>
          <br>
                  Mobob, das betikoy dini dü mul bal (sev. jü del balid
          novula).   Tü tim et sedolsös obe begö! nemis lisitana(s).<br>
          <br>
                  Ko Glids Ladöfikün.<br>
          <br>
                 <u> R. Midgley</u>                                   
                                                                     
                                                                     
                                                                     
                  Sekretan : Kadäm Bevünetik Volapüka<br>
          <br>
        </div>
      </div>
    </div>
  </body>
</html>