[Kadam] Mobs tefü vöds nulik flukas.

Hermann Philipps hphilipps at onlinehome.de
Wed Jun 14 07:01:51 IST 2017


O kadämans stimik!

Baicedob tefü mobs valik kadämana: Danny Zhang pläamü:
*hülozär: ba sötoy gebön vödedi: *drakafluk ('dragon fruit', 
'Drachenfrucht', 'drakenvrucht') u *pitay de vöd 'pitaya', kel geböfon 
in natapüks mödik.

*väarod: Fluks sevädik tel binons els 'averrhoas', sevabo A. bilimbi 
ed A. carambola. Nem geböfik ela 'A. carambola'  binon 'starfruit' 
(Lingl.), 'Sternfrucht' (Deut.), 'fruta de estrella' (Spany.). In 
natapüks mödik (id Lingläna- e Deutänapüko) i geboy vödis: 
'carambola', 'Karambole', 'carambolo', e r. Kludo mobob vödis: 
*stelafluk u *karambul.

Glidis,
Hermann
-------------------------------
Am 12.06.2017 16:17, schrieb Zhang Yutong:
> *dönu sedob penedi at dat kadäman alik kanon reidön oni.
>
> O kekadämans löfik!
>
> Ebespikölo ko cifal: ,Hermann' e kadämans: ,Shido’, ,Igor’, cedobs osi
> zesüdiki ad mobön vödis nulik flukas, sevabo:
>
> 1) *mangod = ,mango’;
> 2) *duriod = ,durian’ (de latin: ,durio’);
> 3) *hülozär = ,dragon fruit’ (de latin: ,hylocereus’);
> 4) *vatamelun = ,watermelon’;
> 5) *mangost = ,mangosteen’;
> 6) *vaärod = ,Averrhoa carambola’;
> 7) *Yafeänapod, *Maläyänapod = ,Syzygium samarangense’;
> 8) *rambut = ,Nephelium lappaceum’ (de maläy: ,rambutan’);
> 9) *dimokarp = ,Dimocarpus longan’.
> 10) *kivid = ,kiwifruit’, leigodü böd, kel labon nemi dientifik in
> natapüks: ,Kiwi’: kivit.
>
> I vöd: *licid (,lychee’), kel dabinon in vödabuk söla: ,Ralph Midgley'
> pacalöfükonös!
>
> Flukis at kanoy anu tuvön pö topäds difik in vol, ab ün tim kü ,de
> Jong’ älifom, äbinons selediks, bi mödiks onas glofons te in vütropän.
>
> Kisi cedols-li tefü vöds at? Vögodobsös pro on!
> Danö!
>
> Ladöfiko,
> Danny.
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>



More information about the Kadam mailing list