[Kadam] Mobs tefü vöds nulik flukas.

Zhang Yutong dannyzhang99 at yahoo.com
Wed Jun 14 00:07:15 IST 2017


O Brian löfik!

Cedü ob, if plans it binons selediks, täno news di ,Linnaeus’ dido kanons pagebön, bi nesuvo gebobs nemis somik.

Ab tefü uts vemo komuniks, samo fluks u härbats, binosöv boso bisarik ad gebön onis, samo:

,,Drinob adelo drinedi di ,Mangifera indica L.’”

Nedobs distidön planis / nimis kelas nemis suvo gebobs ed utis kels seledons. In Vp. vöd: tomat < no ädabinon jüs hiel ,Krüger’ ejafom oni, e poso pegebon suvo.

Kisi cedols-li?

Danny.


brennusvp <brennusvp at legranus.me.uk> 於 2017/6/14 上午3:28 寫道:

> O kekadämans löfik!
>  
> No kanob mobön tuvedotis gudikum ka uts ela Danny – if lölöfiko zesüdos, das labobs vödis pro fluks e nims e.r. e konlets sümik.
>  
> Bi neai okanobs tradutön onis valik ini Volapük.   Binon vobod mu nemögik.
>  
> Kodü atos mobob,das ogebobs nemis fa Linnaeus lifikosas, kelas vöds volapükik no patuvons in vödabuks e vödaliseds attimiks Volapüka.   Fasiliko nems nolavik kanons patuvön medü a.s. Wikipedia, e Danny ya givom is nemis sümik ömik nolava.
>  
> Glidis,
>  
> Brian
>  
>  
>  
> From: Kadam [mailto:kadam-bounces at evertype.com] On Behalf Of Zhang Yutong
> Sent: 12 June 2017 15:17
> To: Kadam at evertype.com
> Subject: [Kadam] Mobs tefü vöds nulik flukas.
>  
> *dönu sedob penedi at dat kadäman alik kanon reidön oni.
>  
> O kekadämans löfik!
>  
> Ebespikölo ko cifal: ,Hermann' e kadämans: ,Shido’, ,Igor’, cedobs osi zesüdiki ad mobön vödis nulik flukas, sevabo:
>  
> 1) *mangod = ,mango’;
> 2) *duriod = ,durian’ (de latin: ,durio’);
> 3) *hülozär = ,dragon fruit’ (de latin: ,hylocereus’);
> 4) *vatamelun = ,watermelon’;
> 5) *mangost = ,mangosteen’;
> 6) *vaärod = ,’;
> 7) *Yafeänapod, *Maläyänapod = ,Syzygium samarangense’;
> 8) *rambut = ,Nephelium lappaceum’ (d Averrhoa carambola e maläy: ,rambutan’);
> 9) *dimokarp = ,Dimocarpus longan’.
> 10) *kivid = ,kiwifruit’, leigodü böd, kel labon nemi dientifik in natapüks: ,Kiwi’: kivit.
>  
> I vöd: *licid (,lychee’), kel dabinon in vödabuk söla: ,Ralph Midgley' pacalöfükonös!
>  
> Flukis at kanoy anu tuvön pö topäds difik in vol, ab ün tim kü ,de Jong’ älifom, äbinons selediks, bi mödiks onas glofons te in vütropän.
>  
> Kisi cedols-li tefü vöds at? Vögodobsös pro on!
> Danö!
>  
> Ladöfiko,
> Danny.
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com

-------------- next part --------------
An HTML attachment was scrubbed...
URL: <http://evertype.com/pipermail/kadam_evertype.com/attachments/20170614/9859bbcc/attachment-0001.html>


More information about the Kadam mailing list