[Kadam] Отв: Dö 'humen'

Hermann Philipps hphilipps at onlinehome.de
Sat Sep 3 09:45:58 IST 2016


O Brian löfik!

Baicedob ko ol, das dido labobs säkädi, efe säkädi patedik Volapüka, 
sevabo, das vöds suvo labons sinifis tu nabätikis.
Ye too cedob -- äsä ya epenob enu -- das no neodobs vödi Volapükik 
patik ad notodön eli 'humanisme' nutimik, e das ai kanobs gebön 
foginavödi baiädik, if jenöfo mutons notodön suemodi nutimik at. 
Tikodayumät ai kleilükon-la sinifi padesinöl. Ladyek tefik binonöv: 
"di 'humanism(e)'". Suemod at bo pogebon-la vemo nesuvo in vödems 
Volapükik.

Id el 'Esperanto' labon vödi 'humanismo' = 'Humanismus' ma "Kleines 
Wörterbuch Deutsch - Esperanto, Esperanto - Deutsch" fa Ulrich 
Matthias / Dietrich M. Weidmann".
Vöd: 'homaranismo' labon sinifi te sperantiki, sevabo (Deut.) 
"homaranismo -- Homaranismus (humanistisches Esperanto-Weltbürgertum)".

Ladöfiko,
Hermann
-----------------------------------------

Am 02.09.2016 21:15, schrieb Brennus Volapükan:
> O Daniel e Hermann e kekadämans stimiks!
>
> Jiniko no gudiko suemob.  Baicedob, das ‘humanismus’ latiniko tefon
> lärni, kulivi, tikäladugäli, ab patiko de kuliv klatädik e renäsanik
> jüs adel.   In nivers studoy elis ‘humanities’.   Sinifü atos ya
> labobs vödi ‘humen(im)’.
>
> Too püks a.s. linglapük, deütapük, fransapük, e.r. vöd ‘humanism’,
> ‘humanismus’, ‘humanisme’ labons sinifi telid  sümü ‘secularism’, ekö
> linglapükiko:
>
> In modern times, humanist movements are typically aligned with
> secularism <https://en.wikipedia.org/wiki/Secularism>, and today
> humanism typically refers to a non-theistic
> <https://en.wikipedia.org/wiki/Nontheism> life stance
> <https://en.wikipedia.org/wiki/Life_stance> centred on human agency
> and looking to science rather than revelation
> <https://en.wikipedia.org/wiki/Revelation> from a supernatural source
> to understand the world.
>
> Sinif at no patuvon in ‘humen(im)’ e no pastudon in nivers.
> Foginavöds at pasuemons sökü sinifs in püks ok, kels lönedons ad
> sinifs bofik, dü paneodon obes te sinif telid.
>
> No sötobs vidükumön sinifi vöd at Volapükik dabinöl ko miedet saidiko,
> ed, igo üf vöd vidikumon, neodoy ladyekis tel – kins?
>
> Kimodo, klu, kanobs nemön sinifi telid?   Pliton ni obi lölöfiko vöd
> ‘menefim’ (ba bi jinos tuiko ad vöd ‘homaranismo’ in pük ‘Esperanto),
> do patuvon in ‘Menefe bal; püki bal’.   ‘V.V.’ labon elis ‘voläd’,
> ‘volädakleran’, ‘volädälan’, e ‘menöf’.   Seret (1887) labon elis
> ‘^umanist’ (=humanist) e ‘volöf’ (=secular).
>
> Kisi cedols?
>
> Glidis
>
> Brian
>
> *From:*Kadam [mailto:kadam-bounces at evertype.com] *On Behalf Of *Dan
> Morosof
> *Sent:* 02 September 2016 13:35
> *To:* Kadäm Volapüka; Igor Wasilewski
> *Subject:* [Kadam] Отв: Dö 'humen'
>
> O kadämans stimik!
>
> Pö jenet at ob it i buükob foginavödi bevünetik ‘humanismus’ (ud eli
> ‘humanisme’, ud eli ‘humanismo’) bu defomam vöda fikulo suemovika.
>
> Ladöfiko,
>
> Daniel
>
> пятница, 2 сентября 2016 14:40 Hermann Philipps
> <hphilipps at onlinehome.de <mailto:hphilipps at onlinehome.de>> писал(а):
>
> O Brian e kekadämans stimiks!
>
> Vöds foginik: 'humanismus, humanism, humanisme' no tefons voiko MENEFI
> ab LÄRNI, KULIVI, TIKÄLADUGÄLI, ed i BENÄDI kol mens valik.
> Vöd: 'humanism(us)' pädefomon de latin: 'humanus' ön siäm: kulivik,
> benodugälik, e benädik kol mens, ab no ön siäm menis u menefi teföl.
>
> Kludo jinos lü ob, das stamäd: men < u vödi: menef < no lönedon ön
> jenet at ad fomön.vödi Volapükik.
> Zuo buükob ad no fomön Volapükavödedi nulik, keli nek osuemon-la.
>
> Lindifos, va geboy foginavödis: 'Humanismus', 'humanisme' (Frans.
> Ned., Dan. e r.), 'humanismo' (püks romenik votik) ud igo 'гуманизм'
> (Rus.) [gumanizm]. Ai osevoy-la, dö kis spikoy.
>
> Ladöfiko,
> Hermann
> --------------------------
>
> Am 01.09.2016 17:51, schrieb Brennus Volapükan:
>> O kekadämans löfik!
>>
>> Hermann, äsä ai, gidetol dö sinif vöda 'humen(im)'.  Vöd at dabinon in 'Vödabuk Volapüka' e non kanobs votükön sinifi ona.  No kanoy fümikön ven ud if timäd humena finikon.  Logolsös eli Wikipedia tefü 'Renaissance Humanism'https://en.wikipedia.org/wiki/Renaissance_humanism#cite_note-1
>>
>> Too, if gebobs vödi foginik, igo latinik, no kanobs gebön vödi latinik 'humanismus' ad sinifön vödi linglapükik 'humanism' ko sinif, keli suvo labon adelo, ab keli soeliko elabon in deutapük.  Logolsös eli Wikipedia tefü 'humanism'https://en.wikipedia.org/wiki/Humanism#Back_to_the_sources
> <https://en.wikipedia.org/wiki/Humanism#Back_to_the_sources>ed eli
> https://de.wikipedia.org/wiki/Humanismus
> <https://de.wikipedia.org/wiki/Humanismus>.
>>
>> Kodü atos, pro sinif, keli anikna labon adeliko vöd 'humanism', mobob vödi a.s. 'menefim' su rigavöds dabinöl, kel miedeton sinif.  If vipoy gebön vödi ot ko sinifs tel, kelosi no mobob, kanoy sagön a.s. eli 'humen nengodik', u ko ladyek votik pabuüköl, kel stümon utanis ko kred nenrelik at.
>>
>> Bü yeldegs ömik, äpodob ko jisekretan soga *menefimik britänik tefü lafab fonetik linglapükik ela George Bernard Shaw.
>>
>> Glidis valikanes.
>>
>> Brian
>>
>>
>>
>>
>> -----Original Message-----
>> From: Kadam [mailto:kadam-bounces at evertype.com <mailto:kadam-bounces at evertype.com>] On
> Behalf Of Hermann Philipps
>> Sent: 01 September 2016 14:33
>> To: Dan Morosof; Kadäm Volapüka
>> Subject: Re: [Kadam] Отв: heat, humen, hüdrol
>>
>> O Shido e kadämans votik löfiks!
>> Nog penets anik tefü humenim:
>> Ibä vöd: humen < pegebon ad fomön vödis: humenim e humenimans, mutobs niludön, das "humenim" te tefon renäsani.
>>
>> Miedet Deutänapükik ela  humen: Humaniora < binon:
>>
>> "Hu|ma|ni|o|ra die (Plur.)⟨aus nlat. (studia) humaniora, eigtl. »die feineren (Studien)«, zu
> lat. humaniora, Komp. Plur. (Neutr.) von humanus »fein gebildet«; das
> griech.-röm. Altertum als Grundlage der Bildung u. als Lehr- u.
> Prüfungsfächer."
>> =
>> 'die Humaniora' (plunum) (de nula-latinik '(studia) humaniora', voiko:
>> '(studs) feinikum', tefü latinik: 'humaniora': pluamafom plunumik ela 'humanus' = feiniko kulivik / benodugälik; vön Grikänik-Romänik as stab benodugälama ed as tida- e xamajäfüd.
>>
>> Klülädos dub atos, das "humenim" leno tefön menäti seimik, te tefon feini u benodugäli
>>
>> Dö sots ela 'humanismus' nutimik, sevabo renäsani no teföls, mobob ad gebön foginavödi valemik: el 'humanismus', if dido seiman oneodon-la vödedi somik.
>>
>> Glidis kadämanes valik,
>> Hermann
>>
>>
>>
>>
>>
>> Am 31.08.2016 07:21, schrieb Dan Morosof:
>>> Pospenäd.
>>> Koräkot bal:
>>> * menätim --> *menätiman
>>>
>>>
>>> среда, 31 августа 2016 9:29 Dan Morosof <shido2308 at yahoo.com <mailto:shido2308 at yahoo.com>> писал(а):
>>>
>>>
>>> O kadämans stimik!
>>>
>>> Lovesedob oles säkis, kelis enu elonülom obe hiel ‘Danny Zhang’ ü
>>> ‘Zhang Yutong’. Cedob, das no dalob begespikön soelölo onis.
>>>
>>> “Nog lonülob säkis kil tefü vöds primü tonat: h:
>>> a). etuvob vödi somik se vödabuk ela ,de Jong’: heat < po kel
>>> paplänon: ,hiatus’ Deut. Too, vöd: ,hiatus’ < sinifon mödikosi in
>>> Deut. in jäfüds difik. Samo in pükav sinifon uti kü tonats bofik
>>> papronons äsva binons-la tonat bal. Dabinons i pläns in biolog, e
>>> rets. Kis binon-li utos, kel vöd at sinifon?
>>>
>>> ä). Vöd: humen < paplänon in vödabuk as buks u lärnods rigädiks
>>> pälautöls in Vöna=Grikänapük u latinapük. Too vöd: humenim < i
>>> dabinon, kel paplänon as: ,humanism’ Lingl. Verätos-li?
>>>
>>> b). Vöd: hüdrol < bai vödabuk ot sinifon eli ,Hydraulik’ in Deut. Too,
>>> vöd at Deut. labon sinifis tel, sevabo: 1). jäfüd nola, in kel geb
>>> vatanäma pastudon; e 2): cinem u sit, kel pamekon ko nol ot. Kin
>>> veräton-li?”
>>> (fin saitota)
>>>
>>> Tefü nümed: “b” mobob, das el “hüdrol” omalon räyuni nolava, e cin
>>> ponemon “cin(em) hüdrolik” u “hüdrolacin(em)”.
>>> Tefü nümed: “ä” säk esüikon pö ob: humenimans binons-li te dunans
>>> renäsana, kels voiko änitedälons pro humens? U kanoy-li nemön me vöd
>>> ot i timakompenanis obas? Ad malam lätikanas okanobsöv defomön vödi
>>> plu suemoviki, as sam: *menätim. Säk nog votik: fom balnumik “humen”
>>> labon-li sinifi kinik? Malon-li nolavi alik Vöna-Grikäni e Romäni teföli?
>>> Tefü nümed: “a” sevob te vödedi pükavik. Moboböv ad gebön eli “heat”
>>> ön mod somik efe pükavik.
>>>
>>> Ko glids ladöfik,
>>> Daniel
>>>
>>>
>>>
>>>
>>> _______________________________________________
>>> Kadam mailing list
>>>Kadam at evertype.com <mailto:Kadam at evertype.com>
>>>http://evertype.com/mailman/listinfo/kadam_evertype.com
>>>
>>
>> ---
>> Diese E-Mail wurde von Avast Antivirus-Software auf Viren geprüft.
>>https://www.avast.com/antivirus
>
>
>>
>>
>> _______________________________________________
>> Kadam mailing list
>>Kadam at evertype.com <mailto:Kadam at evertype.com>
>>http://evertype.com/mailman/listinfo/kadam_evertype.com
>>
>>
>>
>> _______________________________________________
>> Kadam mailing list
>>Kadam at evertype.com <mailto:Kadam at evertype.com>
>>http://evertype.com/mailman/listinfo/kadam_evertype.com
>>
>
> _______________________________________________
> Kadam mailing list
> Kadam at evertype.com <mailto:Kadam at evertype.com>
> http://evertype.com/mailman/listinfo/kadam_evertype.com
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>

---
Diese E-Mail wurde von Avast Antivirus-Software auf Viren geprüft.
https://www.avast.com/antivirus




More information about the Kadam mailing list