[Kadam] logodön, logotön, leud

Hermann Philipps hphilipps at onlinehome.de
Tue Oct 4 15:34:18 IST 2016


O kadämans stimik!

Tefü els logodön e logotön e ret baicedob ko 'Daniel'.

Tefü el LEUD nog mäniotobös, das Deutänapüko vöd: 'Lloyd' suvo pagebon 
no as nem voik ab as leigasinifavöd e nema-läyümot tefü stitods e 
teda- e surafebäds pro nafam e melavegam.

Logolsös eli https://de.wikipedia.org/wiki/Lloyd_(Namenszusatz):
"Lloyd ist seit dem 18. Jahrhundert ein Synonym und Namensbestandteil 
für Institute und Unternehmen der Handelsschifffahrt und des 
Seefahrt-Versicherungswesens."

Hermann
------------------------------
Am 27.09.2016 21:09, schrieb Brennus Volapükan:
> O Daniel,
>
> Dö (a) ‘=od’ e ‘=ot’, l. ‘Gramat Volapüka’ §181, p.52:  “... if
> defomamavöds tel, kelas bal pefomon me el ‘=od’ e votik me el ‘=ot’,
> dabinons, vöd finiköl  me el ‘=ot’ kösömiko [ ‽ ] binon plastätikum ka
> et pefomöl me el ‘=od’”.   Sams fovons.
>
> (ä) logolös us dö ‘=äd’, e §180 dö ‘am’.
>
> (b) El ‘leud’ no labon mayudi.   Dabinons-li vödemis kö ologobs
> gebi?   Mobob, ab no fümiko, linglapükiko ‘plimsoll-line’;  l.
> https://en.wikipedia.org/wiki/Waterline .
>
> Lestümiko,.
>
> Brian
>
> *From:*Kadam [mailto:kadam-bounces at evertype.com] *On Behalf Of *Dan
> Morosof
> *Sent:* 26 September 2016 13:37
> *To:* Kadäm Volapüka
> *Subject:* [Kadam] logodön, logotön, leud
>
> O kekadämans stimik!
>
> Vilob lofädön oles säkis anik de el ‘Danny Zhang’, kelis elecedob vemo
> fikulikis. In pened bal Volapükan lezilik at äsäkom obe:
>
> a) lio distons-li vöds: “logodön, logotön” ?
>
> ä) lio distons-li vöds: “logädik, logamovik” ?
>
> Id enu pö Volapükagrup sogädaresoda ‘Facebook’ esäkom,
>
> b) va el “leud” in vödabuk calöfik Volapüka epuböl binon posödanem.
>
> Tefü nümed: a < cedob, das värbs et binons leigasinifavöds. Vöd
> “logodön” ekomädon te balna in el “Volapükagased pro Nedänapükans” e
> voiko pegebon leigoäs el “logotön”, sevabo:
>
> “…leceks dabinons, kels logodons gudikumo…”
>
> Ye ba ek kadämanas sevom, vio distidoy vödis at.
>
> Tefü nümed: b < tikob dö els ‘Lloyd’s Register, Lloyd’s of London’, ab
> dotob. Too el ‘Arie de Jong’ nendoto älöfom melanavödedis ed äkanomöv
> laidüpükön Volapüko eli ‘Lloyd’s Register’.
>
> Ko lestüm,
>
> Daniel
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>



More information about the Kadam mailing list