[Kadam] heat, humen, hüdrol

Hermann Philipps hphilipps at onlinehome.de
Wed Aug 31 10:14:30 IST 2016


O kadämans stimik!

Tefü (a): heat
Vöd at neföro pägebon in vödems seimik Volapükik, klu no sevobs desini 
ela Arie de Jong.
Stab valemik miedetas valik binon: gäp u rop. In pükav heat NO 
sinifon, das "tonats tel papronons, äsva binons-la tonats bal". Ön 
jenet somik heat tefön VOKATIS tel, kels ledutons lü vöds u silabs 
tel, as sams vöd Deutänapük: 'beantworten' (= begespikön). Ai kanoy 
lilön soelo vokatis: "e" ed "a" < sa gäp vü vokats at, sevabo: 'be - 
antworten'.
Mobob, das geboyös vödi: heat < te me sinif pükavik, bi sinifs votik 
binons tu nesuviks.

Tefü (ä): humen
Humenim me siäm nabik tefön timädi tumyelas: 15 e 16 in Yurop, ven 
ädeflekoy oki de zänodatimäd e dido dönu älüflekoy oki lü lautots e 
lejons Vöna-Grikänapükik e latinik.
Dinäds at binons komplitik. Logolsös dilädi dö 'renaissance' in yeged 
dö 'humanism' pö 'Wikipedia'.

Tefü (b) hüdrol
Vöd: hüdrol tefon siti kaenik in cins e ret.
Nolav tefik binon: hüdrolav.

Glidis,
Hermann
-------------

Am 31.08.2016 06:29, schrieb Dan Morosof:
> O kadämans stimik!
>
> Lovesedob oles säkis, kelis enu elonülom obe hiel ‘Danny Zhang’ ü
> ‘Zhang Yutong’. Cedob, das no dalob begespikön soelölo onis.
>
> “Nog lonülob säkis kil tefü vöds primü tonat: h:
> a). etuvob vödi somik se vödabuk ela ,de Jong’: heat < po kel
> paplänon: ,hiatus’ Deut. Too, vöd: ,hiatus’ < sinifon mödikosi in
> Deut. in jäfüds difik. Samo in pükav sinifon uti kü tonats bofik
> papronons äsva binons-la tonat bal. Dabinons i pläns in biolog, e
> rets. Kis binon-li utos, kel vöd at sinifon?
>
> ä). Vöd: humen < paplänon in vödabuk as buks u lärnods rigädiks
> pälautöls in Vöna=Grikänapük u latinapük. Too vöd: humenim < i
> dabinon, kel paplänon as: ,humanism’ Lingl. Verätos-li?
>
> b). Vöd: hüdrol < bai vödabuk ot sinifon eli ,Hydraulik’ in Deut. Too,
> vöd at Deut. labon sinifis tel, sevabo: 1). jäfüd nola, in kel geb
> vatanäma pastudon; e 2): cinem u sit, kel pamekon ko nol ot. Kin
> veräton-li?”
> (fin saitota)
>
> Tefü nümed: “b” mobob, das el “hüdrol” omalon räyuni nolava, e cin
> ponemon “cin(em) hüdrolik” u “hüdrolacin(em)”.
> Tefü nümed: “ä” säk esüikon pö ob: humenimans binons-li te dunans
> renäsana, kels voiko änitedälons pro humens? U kanoy-li nemön me vöd
> ot i timakompenanis obas? Ad malam lätikanas okanobsöv defomön vödi
> plu suemoviki, as sam: *menätim. Säk nog votik: fom balnumik “humen”
> labon-li sinifi kinik? Malon-li nolavi alik Vöna-Grikäni e Romäni teföli?
> Tefü nümed: “a” sevob te vödedi pükavik. Moboböv ad gebön eli “heat”
> ön mod somik efe pükavik.
>
> Ko glids ladöfik,
> Daniel
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>

---
Diese E-Mail wurde von Avast Antivirus-Software auf Viren geprüft.
https://www.avast.com/antivirus




More information about the Kadam mailing list