[Kadam] Отв: Skets e r.

Hermann Philipps hphilipps at onlinehome.de
Tue Sep 22 07:51:25 IST 2015


O Daniel!

Gudiko edatikol atosi. Ye kisi brefod: e.b. sinifon-li?

Reto, nems olik bosilo kofudükons obi: Bizonov, Morozof ü Morosof, Shido.
Kikodo 'Bizonov'-li?

Glidis,
Hermann


Am 21.09.2015 20:27, schrieb Dan Bizonov:
> Atos binon rät matematik e dilo gramatik. “Gramat Volapüka” givon
> samedis gudik (bagafs: 58, 59, 174, 175), ab no vödis valik. Ekö!
> fövot liseda leigätodas:
> exa- = degjölnaät dega (18, e. b. 6 * 3) = kilion
> zetta- = teldegbalnaät dega (21) = milkilion
> yotta- = teldegfolnaät dega (24, e. b. 6 * 4) = folion
>
> dezi- = balnaät negatik dega (naätanumät: -1, degdil bal) = dim
> centi- = telnaät negatik dega (-2, tumdil bal) = zim
> milli- = kilnaät negatik dega (-3, mildil bal) = mim
> mikro- = mälnaät negatik dega (-6, baliondil bal) = balyim
> nano- = zülnaät negatik dega (-9, -3 - 6, milbaliondil bal) = mimbalyim
> piko- = degtelnaät negatik dega (-12, -6 * 2, teliondil bal) = telyim
> femto- = deglulnaät negatik dega (-15, -3 - 12, milteliondil bal) =
> mimtelyim
> atto- = degjölnaät negatik dega (-18, -6 * 3, kiliondil bal) = kilyim
> zepto- = teldegbalnaät negatik dega (-21, -3 - 18) = mimkilyim
> yokto- = teldegfolnaät negatik dega (-24, -6 * 4) = folyim
>
> Vöds anik ko lims löpik ya epubons in vödabuks, as sam: mimgram, zimmet, …
>
> Üf zesüdosöv, kanoyöv gebön ladyekis zuik ad distidön mafis nünik, as sam:
> miljölet degdilik, mj d. (jölets 1000) sa degdilmiljölet
> miljölet teldilik, mj t. (jölets 1024) sa teldilmiljölet
>
> Glidis,
> Daniel
>
>
>
> понедельник, 21 сентября 2015 19:04 Brian Bishop
> <bishop at brianbishop66.orangehome.co.uk> писал(а):
>
>
> O flens!
> Kilo-, peta- :  e rets?
> https://de.wikipedia.org/wiki/Vors%C3%A4tze_f%C3%BCr_Ma%C3%9Feinheiten
> Glidis,
> Brian
> *From:*Kadam [mailto:kadam-bounces at evertype.com] *On Behalf Of *Dan
> Bizonov
> *Sent:* 21 September 2015 05:30
> *To:* Kadäm Volapüka
> *Subject:* [Kadam] Skets e r.
> Ejafob yegädi nulik ad balugükumam bespika, bi binon fikulik ad reidön
> nunis mödik ön yegäd bal.
> Büsek agödik.
> Äsä esuemob,
>
> 1-ido) Hermann, Brian e Daniel (ob binob) ebaicedoms ko ods tefü vöds
> sököl:
> jölet = ‘byte’
> balet = ‘bit (binary digit)’
> neplenöf = ‘unevennes’ (patöf)
> neplenöfot = ‘unevennes’ (bos, kel binon neplenöfik)
> mätatood = ‘bolide (sport car)’
> luibasket = ‘roller skate’
> dakösadastob = ‘traffic jam’
> ba i “tridavegöm” = ‘kick-scooter’ (Lingl.), ‘samokat’ (Rus.)
> brefods mj, bj, mbj, tj, mtj (pla vöds lölik “miljölet”,
> “balionjölet”, “milbalionjölet”, “telionjölet”, “miltelionjölet” ad
> malam tefädo ‘kilobyte’, ‘megabyte’, ‘gigabyte’, ‘terabyte’, ‘petabyte’)
>
> (Foyümots nolavik baiädons ko lims vödas Volapükik ön mod somik:
> kilo- = kilnaät dega = mil
> mega- = mälnaät dega = balion
> giga- = zülnaät dega = milbalion
> tera- = degtelnaät dega = telion
> peta- = deglulnaät dega = miltelion)
>
> 3-ido) Hermann e Daniel ebaicedom ko od tefü dins sököl (mödadilo saitob):
> a) If vöd seimik binon calöfik, ai kanoy defomön ön mod nomik vödis
> votik medü yümots nen zep patik kadäma.
> ä) Vöds ut, kels epubons balidnaedo in vödabuks fa Ralph pro
> Linglänapükans e no labons vödis siämaröletiks tefü oks in vödaliseds
> büik calöfik, nendoto kanons pagebön in vödems Volapükik (plä jenets
> vödidefomama neverätik).
>
> 4-ido) Zuo mobs anik pelofons:
> relay baton = sökodamätarönastaf (sa notodot “staf sökodamätarönik”)
> (Brian), mätarönastaf (Daniel)
> relay race = sökodamätarön (Brian)
> skateboard = boedasket (Brian), luibaboed (Daniel)
>
> Mobob ad stebedön ünü vigs tel mobis votik.
>
> Ladöfiko,
> Daniel
>
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>




More information about the Kadam mailing list