[Kadam] Отв: Отв: Tiks anik

Dan Bizonov shido2308 at yahoo.com
Fri Sep 18 13:03:48 IST 2015


O kekadämans!Kadäm zesüdon ad dakipön baläti Volapüka e nomis kuratik ota. Nen kadäm obinos fikulik ad vitön gebi neverätik Volapüka, bi stitod semik muton labön nämäti ad büdülon bosi ed ad moükön dotis.Cedü ob, kadämans te no laboms timi ad bespikön vifiko säkädis difik, ed atos binon atimo din kösömik. Zuo ba nek sevon vali dö Volapük, e betikam gespika flagon timi saido luniki. Flanaü ob elonülob säkis plu patikis (tefü “jölät”, “toodakumam”, “tridavegöm”, ba “bevüresod”, …), ka säki tefü fütür kadäma.Glidis,Daniel 


     пятница, 18 сентября 2015 14:16 Ralph Midgley <midgleyr at talktalk.net> писал(а):
   

 O kekadämans löfik!

    Bü yels anik Kadäm Volapüka dönulifükon fa ob.  Tü tim et äcedob, 
das tikamagot obik äbinon gudik, e dü brefüp Volapükans äjäfidoms me 
tikamagot, ab pianiko jinos obe, das eperoms nitedi in tef at.  In 
Kadäm tü tim at dabinons limans jöl, ab anikans otas no dasumoms rouli 
Kadämanas jäfedik.

    Kisi odunobs-li?  Ekö mobs anik:

    1)  Nosükön Kadämi;

    2)    Votastidön Kadämi?

    3)  Sökön vönaoloveikodis pükas netik?

        Obinos gudik ad bespikön mögis gebidik kobo ad födön püki 
obsik, pato tefü säkäds vödas nulik.    E dö Kadäm adelik, binon-li 
zesüdik ünü tim obas anuik?

    Glidis sedom Ralph.


On 17/09/2015 16:53, Dan Bizonov wrote:
> O Ralph! Danob oli demü gespik, kel tefon säkädi veütik. Donuob bosi medü vöds votik. Büä kadäm pädönulifükon brefobüo, Volapük ävolfon as pük lifik danädü gebans nemödik ettimik ona. Bevü votikos, vöds, kels nu binons benosevädiks, edavedons, as sam: “nünöm”, “bevüresod”, “resodatoped”, notodot “ladet leäktronik”, … Sötobs-li zepön calöfiko onis pos gebäd mödayelik? Ots ga dabinons in Volapük, e nek kanon-la spikön Volapüki nen vöds zesüdik et. Bo vöd “jölät” binon bal otas.Ye jenöfo kadäm okanon jafön periodiko (as sam, alyelo) lisedis nulik vödas calöfik. Doküms somik okanons-la ninädön - bevü votikis - i vödis ut, kels ya pegebons lunüpo, sa defomamavödis anik (sams: “nünöm”, “nünömav”, “nünömavan”, “nünömik”, “nünömaprogramel”, “nünömaprogram”, ...). Too binos nitedikum ad penön Volapüko, kas penön dö Volapük, e vobod somik no odalon flagedön timi tu mödiki.Epenob nosi tefü tradutod olik lebuka fa Arie de Jong, e vilob penön, das vobot olik binon süperik ä frutik e yufon vemo obi. Danö!Glidis ladöfik,Daniel
>
>
>      четверг, 17 сентября 2015 17:17 Ralph Midgley <midgleyr at talktalk.net> писал(а):
>    
>
>    O kekadämans löfik!
>  
>      Vöds nulik Volapükik ad malön sieni(s) nulädik  no binons calöfiks if no pubons in lised vödas nulik kadäma.  Suvo vöds nulik no binons zesüdioks, bi kanoy  gebön vödis dabinöl ad atos.  Ab ven vöd somik no dabinon  cedü kadämans, mutoy vätälön vödis pemoböl ad tuvön : balido, if vöd binon jenöfo zesüdik;  telido, va vöd ya dabinöl no kanon-la pagebön ad jonön  sieni pedesiröl, e kilido, va kadämans valik baicedons tefü geb vöda nulik.
>  
>      Tefü vödabuk gretik, äviloy labön tradutodi ota sunädo in Linglänapük.  Sekü kod at, etradutob oni vifiko ünü muls kil, ed anu cifal it revidom tradutodi pianiko.  Ab utans, kels no sevons Deutänapüki, kanons gebön oni anu jü revid vödas dotik.  Tradut anikna nekuratik binon gudikum, ka tradut nonik.
>  
>      Valikosi gudik alikanes sedom Ralph.
>  
>  
>    On 16/09/2015 20:25, Dan Bizonov wrote:
>    
>  O kekadämans stimik!Cedü ob, binos zesüdik ad bespikön säkädis anik, dilo valemikis e dilo patikis. 1. Bü brefüp hiel Oleg Temerov elonülom obe säkis tel tefü maf nüna. Balido, esäkom, vio mafotis nüna mutoy tradutön ini Volapük. In vödabuks fa Ralph e fa lautans votik epubon vöd “jölät” ad malön eli ‘byte’. Bai ced obik, el “jölät” binon vöd legudik, ab daloy-li gebön vödi at? Säk at davedükon säkädi telid, sevabo valemiki.2. Vödabuks fa hiel Ralph: liman stimik kadäma obsik ä guvan soga bevünetik Volapüka < ninädons vödis ömik, kels ba no epubons in vödabuks ed in vödaliseds calöfik büo. Volapükans suvo no sevons, va dalons gebön vödis somik.Cedü ob, Volapük töbo kanon-la jäfidön as kosädamedöm nen vöds mödik ut, kels epubons balidnaedo in vödabuks fa Ralph (ud in vödems fa otan). Vätälölo, das zesüdos ad vitön kofudi Volapükanas, kadäm okanon stetön patiko (as sam, dub slud dokümik
> ), das vöds ut, kels epubons balidnaedo in vödabuks fa Ralph pro Linglänapükans e no labons vödis siämaröletiks tefü oks in vödaliseds büik calöfik, nendoto kanons pagebön in vödems Volapükik. Ye obinos zesüdik ad gudükumön pianiko vödabukis dabinik Linglänapükik (as sam, Ralph it plago suvikumo gebom vödi plu tikaviki “bevüresod”, ab vödabuks omik ninädons sotüli läs tikaviki “vüresod”, igo “Vüresod”).3. Kludo cedob, das vöd “jölät” binon lönedik ä zesüdik. Bai ced obik, balugükumam traduta vödemas flagon, das defomamavöds sököl id opubons in vödalised seimik calöfik:miljölät = kilobytebalionjölät = megabytemilbalionjölät = gigabytetelionjölät = terabytemiltelionjölät = petabyte(foyümot nolavik ‘kilo-’ baiädon ko “mil”, el ‘mega’ baiädon ko “balion”, …)4. Hiel Oleg id esäkom tefü brefods, kels sümedons-la brefodіs benosevädik nünömavik: KB, MB, …Üf vöds, pö nümed kilid pemäniotöls,
>  uvedonsöv calöfiks, tuvedots somik obinons mögik:miljölät = mjölät = mj = mjtbalionjölät = bjölät = bj = bjtmilbalionjölät = mbjölät = mbj = mbjttelionjölät = tjölät = tj = tjt5. Pö penam e tradut vödemas brefik Volapüko eneodob vödis, kels sinifons (Linglänapüko) elis ‘traffic jam’, ‘roller skate’, ‘kick-scooter’, ‘racer’, ‘relay baton’, ‘unevennes’ (samo vega). No vilob gebön foginavödis tefik u notodotis tu komplitikis. Üf vöds sümik Volapükik no dabinons, mobob ad datuvön e zepön onis. Hiel Hermann: cifal obsik < emobom semanaedo subsati “tridavegöm” pro ‘kick-scooter’, e lecedob vödi at legudiki. Mobs obik:‘traffic jam’ — toodakumam‘roller skate’ — rolotasket‘kick-scooter’ — tridavegöm (ya pemäniotöl)‘racer’ — mätatoodistiran (e “mätatood” ad malön eli ‘bolide’; ba oneodoy i vödi ad nemön eli ‘race’, ‘rally’, samo “mätavabam”)‘relay baton’ — mätarön
> astaf (e ba “stafamätarön” ad nemön eli ‘relay race’)‘unevennes’ — neplenöfükot (sa värb “neplenöfükön” — vedükön bosi neplenöfiki)6. Säk votik valemik davedon. Üf labobsöv vödi calöfik “rolotasket”, tän binosöv fasilik ad fomön vödi “rolotasketan”. Vöds sümik mutons-li pazepön calöfiko fa kadäm? U daloy-li lecedön vödis, de vöds calöfik medü yümots anik pedefomölis, as vöds vero calöfiks nen zep patik kadäma?
> Kisi cedols-li?
> Ko lestüm,Daniel
> Pospenäd. Lüükob dokümi, vödemi löpik ninädöli.
>  
>    
>  _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>  
>  
>
>    



  
-------------- next part --------------
An HTML attachment was scrubbed...
URL: <http://evertype.com/pipermail/kadam_evertype.com/attachments/20150918/a2c95a48/attachment-0002.html>


More information about the Kadam mailing list