[Kadam] Vöds sümik.

Arden R. Smith erilaz at earthlink.net
Thu Aug 20 17:17:36 IST 2015


Cedob, das foms pagebons in el 'Wikipedia' (sevabo Koreyänapük, Sulüda-Koreyän, Nolüda-Koreyän) gudons, e sötons vedön calöfiks.  Vöds: tsyosen, Tsyosenän< binons te lememots beseida Yapänik.

Arden


On Aug 20, 2015, at 6:23 AM, Hermann Philipps wrote:

> O kadämans stimik!
> 
> Ekö! dönu vöds anik fa hiel Danny Zhang.
> Pato begob kadämans ad vätälön dinädi dö nem ela "Korea" (Volapüko Tsyosenän sa pük nemü tsyosen ["the Korean language"]), dö kel Tsyosenänans no kotenons.
> 
> ****************************************************
> -------- Original-Nachricht --------
> Betreff: Re: Vöds sümik.
> Datum: Thu, 20 Aug 2015 19:42:41 +0800
> Von: Daniel Zhang <dannyzhang99 at yahoo.com>
> An: Hermann Philipps <hphilipps at onlinehome.de>
> 
> O Hermann löfik!
> 
> Balido danob oli demü plän löfik e lölöfik ola!
> 
> Lesi! baicedob ko ol, das nem: Vükiped < no saidiko kuraton e veräton pro ,Wikipedia'. Ba nedobs ceinön tiädi ini ,Wikipedia'.
> 
> Telido tefü netanems necalöfik, jinos, das nems mödik su ,Wikipedia' no pedasevons fa Kadäm. Ömiks ye päjafons fa kadäman: ,Sergio' se Brasilän, ab no sevob, va ya äsedom desini omik ini Kadäm.
> 
> Oredakob dönu padis tefü läns su ,Wikipedia' ed osteifülob ad koräkön pökis at.
> 
> Fino vipob ad nunön, das bal Volapükanas se ,South Korea' (ü Sulüda=Koreyän ma ,Wikipedia') föro äpenom, das nem fa hiel ,de Jong' päjaföl ad sinifön motapüki omik, sevabo, tsyosen, no padasevon, bi nem somik se Yapänapük palecedon as ,curse' ed ,improper'. Sekü kod at binos-li gudikumo ad gebön vödi: ,South-Korea'?
> 
> Glidis ladöfik ole e kadämanes valik!
> 
> Danny.
> ****************************************************
> 
> Cedob, das fovo kanobs-la gebön nemi: Koreyän < pla Tsyosenän ad no lenofön Tsyosenänanis.
> 
> Ko glids ladöfik,
> Hermann
> 
> 
> Pesedöl me ,iPhone'.
> 
>> Hermann Philipps <hphilipps at onlinehome.de> 於 平成27年8月20日 下午6:10 寫道:
>> 
>> 2015, gustul, 20.
>> 
>> O Danny löfik!
>> 
>> Tefü el Wikipedia Volapükik ko nem bisarik: “Vükiped” (= “between-retention”) < mutoy sevön, das el Wikipedia at leno binon calöfik. If difs ud igo dists dabinons vü vöds in “Vükiped” e vödabuks calöfikum, täno mutoy nezepön notetis in “Vükiped”.  Kludo nems: Linäna-Seanuäns, Kalifornän, e rets, binons verätiks.
>> 
>> Tefü nems taledavik kanoy sagön, das valemo no plu desirobs ad ai dönu datuvön nemis nulik pro tats lesmalik u dotoviks. Kanoy gebön lartigi: el < u lartigis pemäniotöl in nen fa vicifal: Daniel Morosof.
>> 
>> Vicifal: Daniel Morosof < äpenöm sökölosi:
>> Primo vilob ad geikön lü säks fa Daniel Zhang.
>> a) Nems: “Santomeän” e “Sanvinsenteän” binons vöds calöfik, äsä hiel Arden epenom tefü ‘Santomeän’, fa kadäm ün yel: 2007 < pezepöls.
>> ä) Bai sev obik, el “Lindäna-Seanuäns” binon fom calöfik as leigätod nema Deutänapükik ‘Indonesien’.
>> b) Baicedob ko hiel Brian: vöd “Zvanän” no binon calöfik. Nem “Betjuvän” petraduton fa hiel Arie de Jong as ‘Betschuanaland’. Betjuvän ibinon büäto jelätaziläk, fa Greta-Britän pireigöl, ab poso ävedon libatat ed ävotükon nemi okik. No cedob, das nedobs votükön i tatanemi Volapükik läna ot.
>> c) Kanoy ma noms vödidefomama Volapüka defomön nemi “Labgadän” (sams: bulgar, bulgarans, Bulgarän).
>> Tefü bagaf: d < no kanob penön bosi fümik so brefüpo, bi no labob plaki zesüdik as Volapükan mödayelik. Ba Volapük no labon nemis tefik topas pemäniotöl.
>> Zuo vilob memükön, das Volapük labon lartigis gebovik, sevabo: elän (fo foginanems länas e tatas), eleän (nisuls), elel (mels),  elak (laks), eled (bels). I Volapükans pluuneplu suvo ägebons stukotis sököl: ziläk di …; topäd di …; mel di … Cedob, das kanoy gebön lartigis e stukotis sümik pö malam tatas u nulikas, u smalikas, u befeitovikas. As sam, mobob notodotis mögik sököl ad malön eli ‘Transnistria’:
>> ziläk di ‘Dniestr’, län di ‘Dniestr’.
>> -----------
>> Ün 2007 kadäm äzepon nemis sököl as nems calöfik. Ans onas ya äbinons calöfik büo.
>> 
>> Bangladejän = Bangladesh
>> Barbudeän = Barbuda
>> Belisän = Beluze
>> Beninän = Benin
>> Cibutän = Djibouti
>> Ganän = Ghana
>> Gineyän-Bisauän = Guinea-Bissau
>> Granadeän = Granada
>> Grenadinuäns = Grenadines
>> Herzegovän = Herzegovina
>> Kazakistän = Kazakhstan
>> Kirgistän = Kyrgyzstan
>> Kiribatuäns = Kiribati
>> Komoruäns = Comores
>> Kveatora-Gineyän = Equatorial Guinea
>> Lantigeän = Antigua
>> Lemirans Larabik Pebalöl = United Arab Emirates
>> Lesotän = Lesotho
>> Libanän = Lebanon
>> Makedoniyän = Macedonia
>> Malaviyän = Malawi
>> Maliyän = Mali
>> Mianmarän = Myanmar, Burma
>> Mozambikän = Mozambique
>> Namibiyän = Namibia
>> Naureän = Nauru
>> Nigeryän = Niger
>> Pakistän = Pakistan
>> Palauäns = Palau
>> Säceluäns = Seychelles
>> Sankiteän = Saint Kitts
>> Sanlusiyän = Saint Lucia
>> Santomeän = São Tomé
>> Sanvinsenteän = Saint Vincent
>> Sieraleonän = Sierra Leone
>> Slovakiyän = Slovakia
>> Sloveniyän = Slovenia
>> Solomonuäns = Solomon Islands
>> Sulüdafrikän = South Africa (tat bolitik)
>> Yordän = Jordan
>> Zambiyän = Zambia
>> Zimbabiyän = Zimbabwe
>> 
>> Tefü labgadans e Labgadän e nems sümik kanoy sagön, das labgadans lödons id in tats plödü Labgadän. If ek binon tatätan Labgadäna, men at binon Labgadänan. Ye mutoy siön, das nems somik binons säkädiks id in mekavpüks püks votik.
>> 
>> Tefü vöd: repüblikän < nog vilob plänön, das vöd at neföro pägebon. Ai geboy vödi: repüblik, as sam: repüblik Fransänik, Repüblik: ‘Lübeck’ e Repüblik: ‘Hamburg’ (kels ädabinons in paseta). Too plän enuik oba prinsipo veräton.
>> 
>> Ko glids ladöfik,
>> Hermann
>> ------------------------------------------------------
>> 
>> Am 18.08.2015 09:22, schrieb Daniel Zhang:
>>> O Hermann stimik!
>>> 
>>> 
>>> Eprimikob ad mekön volakaedi ed esukob pö Vükiped Volapükik, ab säkäds
>>> epubons tefü netanems, e.r.
>>> 
>>> a). Bai Vükiped jinos, das redakan etraduton elis ,São Tomé e
>>> Príncipe’ e ,St. Vincent and the Grenadines’ ini els ,,Saluda=Tomeän e
>>> Principeän’’ e ,,Saluda=Vinsenteän e Grenadineäns’’. Too id elogob,
>>> das dabinons nems: Santomeän, Sanvinsenteän. Kins gidetons-li?
>>> 
>>> ä). Bai Vükiped nem ela ,Indonesia’ binon Lindäna=Seänuäns, ye no
>>> kanob tuvön vödi: seän. Sötobs-li tradutön oni ini
>>> ,,Lindäna=Seanuäns’’? bi vöd: sean < dabinon e geboy sinifön pladi:
>>> Bläga=Seanuäns (Melanesia) < ma vödabuk hiela ,Arie de Jong’. Binos-li
>>> pök se Vükiped?
>>> 
>>> b). Vükiped gebon vödi: Zvanän < ad sinifön eli ,Botswana’, ab etuvob
>>> vödi: Betjuvän < se vödabuk hiela ,Arie de Jong’, kel sinifon otosi.
>>> Bofiks gidetons-li?
>>> 
>>> c). Redakan egebon vödi: Labkasän < pro el ,Abkhazia’, ab jinos hiel
>>> ,Arie de Jong’ ägebom eli ,,labgadan’’ pro mens Labkasäna.
>>> ,,Labkasän’’ binon-li nem calöfik?
>>> 
>>> d). No ekanob tuvön nemis elas ,Transnistria’, ,Kosovo’, ,Somaliland’,
>>> ,Artsakh (Nagorno - Karabakh)’ se Vükiped. Labobs-li nemis calöfik
>>> onas? If no, mögos-li, das moboy tradutodis mögik ini Kadäm? u
>>> nedobs-li gebön ko lartig: el?
>>> 
>>> 
>>> Mögos, das ba neföro geboy ed ogeboy vödis somik, klu cedol-la, das
>>> nespälob timi obik. If so, pardolös obe osi. Ob it ye te vipob sevön
>>> mödikosi dö Vp..
>>> 
>>> Danob oli demü yuf olik!
>>> 
>>> 
>>> Glidis ladöfik!
>>> Danny
>>> 
>>> 
>>> 張雨桐 / Daniel Zhang
>>> 
>>> 
>>> 在 2015年8月14日,下午9:43,Hermann Philipps <hphilipps at onlinehome.de
>>> <mailto:hphilipps at onlinehome.de>> 写道:
>>> 
>>>> Danö, o flen!
>>>> Ostudob atosi.
>>>> 
>>>> Glidis,
>>>> Hermann
>>>> 
>>>> Am 14.08.2015 14:39, schrieb Daniel Zhang:
>>>>> O Hermann löfik!
>>>>> 
>>>>> Ekö! tradutod nulik oba tefü ,,Dis celabim’’!
>>>>> 
>>>>> 
>>>>> *Dis celabim.*
>>>>> 
>>>>> Pälauton fa hiel ,Motojiro Kajii'.
>>>>> 
>>>>> Dabinons funs pesepülöl dis celabim!
>>>>> 
>>>>> Kanoy *kredön*! Kikodo-li ? Lio mögosöv-li, das *celaflors florons-la*
>>>>> sublimiko so? No fikulos-li ad kredön? Bi no *kredülob* glori
>>>>> somik, enu elifob dredäliko. Anu ye suemob. Kanoy kredön, das dabinons
>>>>> funs pesepülöl dis celabim.
>>>>> 
>>>>> Alneito ven golob domio, kikodo ai tikob-li dö jeifaneif smalik e
>>>>> japik, keli epladob in kvisinöp, äsva vo fägob-la ad logön oni? Büiko
>>>>> esagol obe, das no sevol kodi. E jenöfo ob it no sevob oni. Fümo ye
>>>>> binon ebo ot, äs ut funas pesepülöl dis celabim.
>>>>> 
>>>>> Kösömo, nendemü flor kisotik, ai labon dälodi klänik zü lut nilik,
>>>>> suvüo jüs kosgolon gloratimi onik. Äsä tak lölöfik parivöl fa tupit
>>>>> vifiko tulöl, ud äsä tikaspäk süperik pablinöl fa musigaplösen
>>>>> sekaliegik, me kel davedon tikaspäk lehitik dafata, binos sublim
>>>>> nekredovik ye voik.
>>>>> 
>>>>> 
>>>>> Danö!
>>>>> 
>>>>> Glidis!
>>>>> Danny
>>>>> 
>>>>> 在 2015年8月9日,下午6:33,Hermann Philipps
>>>>> <hphilipps at onlinehome.de <mailto:hphilipps at onlinehome.de>
>>>>> <mailto:hphilipps at onlinehome.de>> 写道:
>>>>> 
>>>>>> Vödems plu 300 dalabons us --> Vödems plu 300 dabinons us.
>>>>>> ------------------
>>>>>> 
>>>>>> Am 09.08.2015 07:30, schrieb Daniel Zhang:
>>>>>>> O Hermann stimik!
>>>>>>> 
>>>>>>> 
>>>>>>> Danob oli demü plän olik!
>>>>>>> 
>>>>>>> Cedob, das nedob glömön gramati e steifülön ad spikön oni ön mod
>>>>>>> seimik.
>>>>>>> 
>>>>>>> Danö!
>>>>>>> 
>>>>>>> 
>>>>>>> Glidis!
>>>>>>> Danny
>>>>>>> 
>>>>>>> 
>>>>>>> 在 2015年8月9日,上午4:53,Hermann Philipps
>>>>>>> <hphilipps at onlinehome.de <mailto:hphilipps at onlinehome.de>
>>>>>>> <mailto:hphilipps at onlinehome.de>> 写道:
>>>>>>> 
>>>>>>>> Pos vätäl dönuik nu cedob, das jenöfo gidetol.
>>>>>>>> Gramatans Linglänapüka lecedons eli "than" präpodi äsä in set: "he
>>>>>>>> was much smaller than his son".
>>>>>>>> 
>>>>>>>> Sevobsös, das voiko püks no labons gramati.
>>>>>>>> Gramat binon datuvot menas, kels ästeifons ad leodükön püki oksik.
>>>>>>>> 
>>>>>>>> Liedo id tefü Volapük, gramat ömna no binon kludöfik.
>>>>>>>> 
>>>>>>>> I gidetol, das voiko no sötoy gebön kusatifi po el "ka".
>>>>>>>> Too "mastans vönädik" ädunons atosi.
>>>>>>>> 
>>>>>>>> Binobsös gretamafädiks!
>>>>>>>> 
>>>>>>>> Glidis ladöfik sedom
>>>>>>>> Hermann
>>>>>>>> ---------------------------------------------------------------------------------
>>>>>>>> 
>>>>>>>> Am 08.08.2015 15:37, schrieb Daniel Zhang:
>>>>>>>>> O Hermann stimik!
>>>>>>>>> 
>>>>>>>>> Pardolös obe begespiki latik!
>>>>>>>>> 
>>>>>>>>> Daloy-li gebön kusatifi po el ,ka'? Nedoy gebön nominatifi po
>>>>>>>>> präpods, vo-li?
>>>>>>>>> 
>>>>>>>>> Danö!
>>>>>>>>> 
>>>>>>>>> Glidis ladöfik!
>>>>>>>>> Danny
>>>>>>>>> 
>>>>>>>>> Pesedöl me ,iPhone'.
>>>>>>>>> 
>>>>>>>>>> Hermann Philipps <hphilipps at onlinehome.de
>>>>>>>>>> <mailto:hphilipps at onlinehome.de>
>>>>>>>>>> <mailto:hphilipps at onlinehome.de>> 於 平成27年8月8日 下午6:54
>>>>>>>>>> 寫道:
>>>>>>>>>> 
>>>>>>>>>> O Danny löfik!
>>>>>>>>>> 
>>>>>>>>>> Eli "ka" geboy yumü subsats, ladvärbs, e notodots ko präpods
>>>>>>>>>> pefomöl:
>>>>>>>>>> (1) Rosad at smelon gudikumo ka fromad et.
>>>>>>>>>> (2) Jiel 'Elisabeth' kanitof  jönikumo ka ob.
>>>>>>>>>> (3) Vom et drenof plu ka himatan oka dö fil in kvisinöp.
>>>>>>>>>> (4) Feifom dönu ya gudikumo ka ädelo.
>>>>>>>>>> (5) E sulfinalümäts älitons ko nid somik, das äbinons litikum ka
>>>>>>>>>> dü del litik.
>>>>>>>>>> 
>>>>>>>>>> El "kas" binon konyun, klu geboy vödi at pö leigods yumü VÄRBS::
>>>>>>>>>> (1) Stom äbinon vamikum, kas ispetoy.
>>>>>>>>>> (2) Pöp Rumänik binon bäldikum, kas sevädos se jenav onik.
>>>>>>>>>> (3) Ninälo äsenälom lügi mödikum, kas isenälom föro.
>>>>>>>>>> Ömna värb et voiko no panotodon, ab paniludon.
>>>>>>>>>> 
>>>>>>>>>> El "plu" binon ladvärb, kel malon vemi.
>>>>>>>>>> El "mödikumo" kösömiko malon mödoti.
>>>>>>>>>> Ye suvo lautans Volapükik ägebons vödis bofik nen dif tefü sinif.
>>>>>>>>>> El "plu" binon mödo brefikum ka el "mödikumo".
>>>>>>>>>> 
>>>>>>>>>> Set olik: "Gudikumo löfob ofi kas pösodi et’' söton binön:
>>>>>>>>>> "Löfob ofi plu ka pösodi et" = I love her more than (I love)
>>>>>>>>>> that person.
>>>>>>>>>> 
>>>>>>>>>> Vöd: plu < suvo pagebon yumü vöds: ai e no.
>>>>>>>>>> "ai plu" = "with increasing intensity": Äsmilom ai plu.
>>>>>>>>>> Ämalädikom ai plu.
>>>>>>>>>> "no plu" = "no more, not any longer": No plu smilom. No plu
>>>>>>>>>> malädom.
>>>>>>>>>> 
>>>>>>>>>> Kanol tuvön samis mödik dö atos in vödems pö:
>>>>>>>>>> https://wikisource.org/wiki/Volapükagased_pro_Nedänapükans.
>>>>>>>>>> Kopiedolös vödemis ini nünöm olik e gebolös sukadunodi ("search
>>>>>>>>>> function")!
>>>>>>>>>> 
>>>>>>>>>> Glidis flenöfik sedom
>>>>>>>>>> Hermann
>>>>>>>>>> ----------------------------------------------
>>>>>>>>>> Am 31.07.2015 14:41, schrieb Daniel Zhang:
>>>>>>>>>>> O Hermann löfik!
>>>>>>>>>>> 
>>>>>>>>>>> 
>>>>>>>>>>> Etuvob konyuni: kas < kel sinifon ebo oti äs präpod: ka < se
>>>>>>>>>>> vödabuk obik, ab no kanob tuvön gebi onik.
>>>>>>>>>>> 
>>>>>>>>>>> Geboy-li konyuni at in set somik?
>>>>>>>>>>> 
>>>>>>>>>>> ,,Gudikumo löfob ofi kas pösodi et.’'
>>>>>>>>>>> 
>>>>>>>>>>> U notodoy-li seti at ko ladvärb: plu?
>>>>>>>>>>> 
>>>>>>>>>>> If so, lio difons-li els ‘ka’ e ‘kas’ e ‘plu’?
>>>>>>>>>>> 
>>>>>>>>>>> Danö!
>>>>>>>>>>> 
>>>>>>>>>>> 
>>>>>>>>>>> Glidis!
>>>>>>>>>>> Danny
>>>>>>>>>>> 
>>>>>>>>>>> 
>>>>>>>>>>> 
>>>>>>>>>>>> 在 2015年7月29日,下午9:45,Hermann Philipps
>>>>>>>>>>>> <hphilipps at onlinehome.de <mailto:hphilipps at onlinehome.de>
>>>>>>>>>>>> <mailto:hphilipps at onlinehome.de>> 写道:
>>>>>>>>>>>> 
>>>>>>>>>>>> Ag! Geb poyümota: -ian < äbinon pöl obik, no olik, pardolös!
>>>>>>>>>>>> Tefü bumot, kö fitavatiars mödik topons, cedob, das kanoy
>>>>>>>>>>>> gebön poyümoti: -em, kel malon konleti.
>>>>>>>>>>>> 
>>>>>>>>>>>> Glidis,
>>>>>>>>>>>> Hermann
>>>>>>>>>>>> 
>>>>>>>>>>>> Am 29.07.2015 12:24, schrieb Daniel Zhang:
>>>>>>>>>>>>> O Hermann stimik!
>>>>>>>>>>>>> 
>>>>>>>>>>>>> 
>>>>>>>>>>>>> Si! gidetol. Pardolös obe pöli obik!
>>>>>>>>>>>>> 
>>>>>>>>>>>>> Ä vöd: fitavatiär < malon boki ko vat lomo papladöli, kö
>>>>>>>>>>>>> kanoy logön fitis, vo-li?
>>>>>>>>>>>>> 
>>>>>>>>>>>>> Lio notodoy-li bumoti, kö fitavatiärs topons, ed alan kanon
>>>>>>>>>>>>> beigolön?
>>>>>>>>>>>>> 
>>>>>>>>>>>>> Danö!
>>>>>>>>>>>>> 
>>>>>>>>>>>>> 
>>>>>>>>>>>>> Glidis!
>>>>>>>>>>>>> Danny.
>>>>>>>>>>>>> 
>>>>>>>>>>>>> Pesedöl me ,iPhone'.
>>>>>>>>>>>>> 
>>>>>>>>>>>>>> Hermann Philipps <hphilipps at onlinehome.de
>>>>>>>>>>>>>> <mailto:hphilipps at onlinehome.de>
>>>>>>>>>>>>>> <mailto:hphilipps at onlinehome.de>> 於 平成27年7月29日 下午
>>>>>>>>>>>>>> 6:05 寫道:
>>>>>>>>>>>>>> 
>>>>>>>>>>>>>> O Danny löfik!
>>>>>>>>>>>>>> 
>>>>>>>>>>>>>> Vöd: silizüpädian < vo no gudon, bi "-ian" malon stumi, kel
>>>>>>>>>>>>>> dunon dunotis, kelis pösods kanons dunön. Kludo proyekacin,
>>>>>>>>>>>>>> kel züpädon sili ko planets e stels e rets binon
>>>>>>>>>>>>>> "silizüpädöm", e bumot, kö cin somik topon, kludo binon:
>>>>>>>>>>>>>> silizüpädömöp = "sky-imitating machine place" u, gudikumo:
>>>>>>>>>>>>>> neitasilizüpädömöp, bi "planetarium" jonon stelis, planetis
>>>>>>>>>>>>>> e munis, kelis no kanoy logön, ven litos.
>>>>>>>>>>>>>> Ye ba no zesüdos ad sevärön somo.
>>>>>>>>>>>>>> 
>>>>>>>>>>>>>> Glidis!
>>>>>>>>>>>>>> Hermann
>>>>>>>>>>>>>> 
>>>>>>>>>>>>>> 
>>>>>>>>>>>>>> 
>>>>>>>>>>>>>> 
>>>>>>>>>>>>>> Am 29.07.2015 09:05, schrieb Daniel Zhang:
>>>>>>>>>>>>>>> O Hermann stimik!
>>>>>>>>>>>>>>> 
>>>>>>>>>>>>>>> 
>>>>>>>>>>>>>>> Gudö! … kiojönik vöd binon!
>>>>>>>>>>>>>>> 
>>>>>>>>>>>>>>> Silizüpädian sinifon-li cini in ,planetarium’ papladöli,
>>>>>>>>>>>>>>> ud eli
>>>>>>>>>>>>>>> ,planetarium’ (top kö kanoy logön sili) it?
>>>>>>>>>>>>>>> 
>>>>>>>>>>>>>>> Danö!
>>>>>>>>>>>>>>> 
>>>>>>>>>>>>>>> 
>>>>>>>>>>>>>>> Glidis!
>>>>>>>>>>>>>>> Danny
>>>>>>>>>>>>>>> 
>>>>>>>>>>>>>>> 在 2015年7月29日,下午2:10,Hermann Philipps
>>>>>>>>>>>>>>> <hphilipps at onlinehome.de <mailto:hphilipps at onlinehome.de>
>>>>>>>>>>>>>>> <mailto:hphilipps at onlinehome.de>
>>>>>>>>>>>>>>> <mailto:hphilipps at onlinehome.de>> 写道:
>>>>>>>>>>>>>>> 
>>>>>>>>>>>>>>>> Ba kanoy fomön koboyümavödi: silizüpädian ("machine
>>>>>>>>>>>>>>>> imitating the sky").
>>>>>>>>>>>>>>>> 
>>>>>>>>>>>>>>>> Dönu glidis!
>>>>>>>>>>>>>>>> Hermann
>>>>>>>>>>>>>>>> 
>>>>>>>>>>>>>>>> Am 29.07.2015 06:59, schrieb Daniel Zhang:
>>>>>>>>>>>>>>>>> O Hermann löfik!
>>>>>>>>>>>>>>>>> 
>>>>>>>>>>>>>>>>> 
>>>>>>>>>>>>>>>>> Lio tradutoy-li elis ,aquarium’ e ,planetarium’ ini
>>>>>>>>>>>>>>>>> Volapük?
>>>>>>>>>>>>>>>>> 
>>>>>>>>>>>>>>>>> Danob oli demü yuf olik!
>>>>>>>>>>>>>>>>> 
>>>>>>>>>>>>>>>>> 
>>>>>>>>>>>>>>>>> Glidis!
>>>>>>>>>>>>>>>>> Danny
>>>>>>>>>>>>>>>>> 
>>>>>>>>>>>>>>>>> 
>>>>>>>>>>>>>>>>> 在 2015年7月28日,上午3:30,Hermann Philipps
>>>>>>>>>>>>>>>>> <hphilipps at onlinehome.de
>>>>>>>>>>>>>>>>> <mailto:hphilipps at onlinehome.de>
>>>>>>>>>>>>>>>>> <mailto:hphilipps at onlinehome.de>
>>>>>>>>>>>>>>>>> <mailto:hphilipps at onlinehome.de>> 写道:
>>>>>>>>>>>>>>>>> 
>>>>>>>>>>>>>>>>>> O flen löfik!
>>>>>>>>>>>>>>>>>> 
>>>>>>>>>>>>>>>>>> No kudolös dö stamäds anik in Volapük me els -ik e -an
>>>>>>>>>>>>>>>>>> finiköls,
>>>>>>>>>>>>>>>>>> kels no malons tefädo ladyekis u pösodis.
>>>>>>>>>>>>>>>>>> Klülos, das stamäds: *repübl e *fabr no dabinons.
>>>>>>>>>>>>>>>>>> 
>>>>>>>>>>>>>>>>>> Subsats votik me -ik finiköls:
>>>>>>>>>>>>>>>>>> mispik = denigration, defamation, slander;
>>>>>>>>>>>>>>>>>> nentik = condition of being without thought, robot-like.
>>>>>>>>>>>>>>>>>> 
>>>>>>>>>>>>>>>>>> Ön mod sümik vöds finiköl me -an ömna no malons pösodi:
>>>>>>>>>>>>>>>>>> bakacan = baker's ware.
>>>>>>>>>>>>>>>>>> 
>>>>>>>>>>>>>>>>>> Gode dani! Somikos no bundanon in Volapük.
>>>>>>>>>>>>>>>>>> 
>>>>>>>>>>>>>>>>>> Glidis,
>>>>>>>>>>>>>>>>>> Hermann
>>>>>>>>>>>>>>>>>> 
>>>>>>>>>>>>>>>>>> -----------------------------------------
>>>>>>>>>>>>>>>>>> 
>>>>>>>>>>>>>>>>>> 
>>>>>>>>>>>>>>>>>> Am 26.07.2015 10:23, schrieb Daniel Zhang:
>>>>>>>>>>>>>>>>>>> O Hermann stimik!
>>>>>>>>>>>>>>>>>>> 
>>>>>>>>>>>>>>>>>>> 
>>>>>>>>>>>>>>>>>>> Enu etuvob seledis Volapüka, ven elogob vödabuki fa
>>>>>>>>>>>>>>>>>>> hiel ,de Jong’.
>>>>>>>>>>>>>>>>>>> 
>>>>>>>>>>>>>>>>>>> Vöds: repüblik, fabrik < binons subsats, ab el ,,=ik’’
>>>>>>>>>>>>>>>>>>> topon finü
> 
> 
> 
> 
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com





More information about the Kadam mailing list