[Kadam] [Kadäm] Säks anik fa hiel Danny Zhang pelonülöls

Hermann Philipps hphilipps at onlinehome.de
Tue Aug 18 16:52:40 IST 2015


O Brian löfik.

Danob oli demü nun olik.
Ven votaseimüpo äspikob dö döfs in "Vöd Volapüka" e "Fövots" fa hiel 
Arie de Jong, atos mödadilo ätefon plänis Deutänapükik vödas, kels 
plago neföro ägebons in vödems seimik.
Ye binosöv tikamagot gudik, das kekadämans obejäfonsöv nemis länas, 
zifas, lakas (!), melas, e rets.

Valemo cedob, das no sötobs tradutön ini Volapük nemis länas u netas 
plu o läs nulikas u smalikas, as sam: São Tomé --> el 'São Tomé'.
Balido, nems somik bo no pogebons suvo in vödems Volapükik.
Telido, nems sötons blebön sevädoviks.
Ye dö atos kekadämans kanons sludön.

Reto, dö "São" --> nisul: Sänt-'Thomas'; bel: Sänt-'Bernardus'; fil: 
Sänt-'Elmus' (se Fövot: 13).

Ladöfiko,
Hermann

Am 18.08.2015 16:08, schrieb Brennus Volapükan:
> O Kekadämans stimik!
>
> Äsä esagob in pened fa ob lü grup, Volapük neodon vödalisedi nendöfik (do
> cedü ob döfs attimik non binons so vemo veütiks e gretiks, ab fümiko in
> detüls saidik).   Hermann dunom lemödikosi, e balan no kanom dunön valikosi.
> Demü atos, zesüdos, das kobovobobs in kvip u kvips, das baicedobs nomis, das
> vobod lölöfik padilon in dils träitabik.
>
> Dö nomis, mobob:
> Vöds fa de Jong, si no döfiks pablöföls, ostanons.
> Vöds fa Schleyer, si no döfiks pablöföls, pogebons.
> Nems zifas, laigas, (...?), no povotükons, ab ponüdugons dub 'zif' u 'laig'
> seimüpo 'el'.
> Nems ya in lised odugons nemis nulik.
> Nems votik (äs in Vükiped) binons mobs, no calöfik.
> Nems nulik osökons nomis püka, so nilikü äs nems rigik.
> ...
>
> Ekö dil träitabik -- dö nems länas e nisulas (?e seans, e tops votik?)
>
> Dokan Arie de Jong evobom ed elödom in 'Indonesia', ettimo linglapükiko
> 'Dutch East Indies'.   Ba potuvon nemi at in nüms pasetik ela 'Volapükagased
> pro nedänapükas' fa om.   Id in gaseds timü Schleyer.
>
> Dö Betjuvän -- no kanobs labön nemis plu bal.
>
> Dö São Tomé, lio patradutons nems ko 'saludan'.
>
> If de Jong gebom 'Labgadän', kikodo no ogebobs-li oni calöfiko?
>
> Dabinons-li nems pro 'Nistria' e 'Somalia'?
>
> Bü tim anik, if memob gudiko, ediskutobs nemis talavik ömik in Kadäm.
>
> Flen rusänik Oleg Temerov mödiko vobom, e kanobs begön yufi oma bevü
> votikans.   Ekö löpo vödabuk ela Ralph in pened ela Oleg.   Vödabuk at kanon
> obinön stab vödabuk calöfik.   Zesüdos, das läükoy tradutodis in püks
> deutapükik, linglapükik e (bi kredob, das num gretikün utanas, kels studons
> Volapüki binons sperantapükans), sperantapük.   Kredob das obinosöv tu
> fikulik läükön fransapük.
>
> Ekö is büo mobs nefümik, valemik e patik, fa ob ad diseinön vobamatävi
> padiskutabik.
>
> Glidis flenöfik,
>
> Brian.
>
>
>
> -----Original Message-----
> From: Kadam [mailto:kadam-bounces at evertype.com] On Behalf Of Hermann
> Philipps
> Sent: 18 August 2015 11:49
> To: Kadäm Volapüka
> Subject: [Kadam] Säks anik fa hiel Danny Zhang lonülöls
>
> O kadämans stimik!
>
> Binos tim pötik, das lonülob oles säkis anik Volapükana zilik
> Tsyinänik: Danny Zhang < tefü nems tatas u nisulas anik.
> Spelob, das aniks olas okanons-la begespikon säkis sököl ela Danny Zhang, bi
> no labob timi saidik ad vestigön dinädis at demü dins votik Volapüki teföls,
> sevabo: preparam ela "Vög Volapüka" setula e bevob vödabukas e vödalisedas
> Volapükik.
> Ladet leäktronik ela Danny binon: dannyzhang99 at yahoo.com.
> I kanols gebön Volapükagrupi pö els "Yahoo Groups".
>
> Danö, o flens!
>
> ****************************************
> O Hermann stimik!
>
> Eprimikob ad mekön volakaedi ed esukob pö Vükiped Volapükik, ab säkäds
> epubons tefü netanems, e.r.
>
> a). Bai Vükiped jinos, das redakan etraduton elis ,São Tomé e Príncipe’ e
> ,St. Vincent and the Grenadines’ ini els ,,Saluda=Tomeän e Principeän’’ e
> ,,Saluda=Vinsenteän e Grenadineäns’’. Too id elogob, das dabinons nems:
> Santomeän, Sanvinsenteän. Kins gidetons-li?
>
> ä). Bai Vükiped nem ela ,Indonesia’ binon Lindäna=Seänuäns, ye no kanob
> tuvön vödi: seän. Sötobs-li tradutön oni ini ,,Lindäna=Seanuäns’’? bi vöd:
> sean < dabinon e geboy sinifön pladi:
> Bläga=Seanuäns (Melanesia) < ma vödabuk hiela ,Arie de Jong’. Binos-li pök
> se Vükiped?
>
> b). Vükiped gebon vödi: Zvanän < ad sinifön eli ,Botswana’, ab etuvob
> vödi: Betjuvän < se vödabuk hiela ,Arie de Jong’, kel sinifon otosi.
> Bofiks gidetons-li?
>
> c). Redakan egebon vödi: Labkasän < pro el ,Abkhazia’, ab jinos hiel ,Arie
> de Jong’ ägebom eli ,,labgadan’’ pro mens Labkasäna.
> ,,Labkasän’’ binon-li nem calöfik?
>
> d). No ekanob tuvön nemis elas ,Transnistria’, ,Kosovo’, ,Somaliland’,
> ,Artsakh (Nagorno - Karabakh)’ se Vükiped. Labobs-li nemis calöfik onas? If
> no, mögos-li, das moboy tradutodis mögik ini Kadäm? u nedobs-li gebön ko
> lartig: el?
>
>
> Mögos, das ba neföro geboy ed ogeboy vödis somik, klu cedol-la, das nespälob
> timi obik. If so, pardolös obe osi. Ob it ye te vipob sevön mödikosi dö Vp..
>
> Danob oli demü yuf olik!
>
> Glidis ladöfik!
> Danny
> ******************************************
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>




More information about the Kadam mailing list