[Kadam] Glids kodedü lovegivam cifalama

Hermann Philipps hphilipps at onlinehome.de
Sun May 4 12:16:28 IST 2014


2014, mayul, 3.

O kadämans digik!

Äsä bo sevols, cifal Brian R. Bishop elovegivom obe cifalami primü del 
balid mayula yela: 2014. Kludo nu glidob olis as cifal nulik.
Balido danob olis demü vilöf olsik ad galedön e kälön Volapüki as 
kadämans. Atos sinifon, das binobs zän e piäf Volapükanefa.
Koefob, das no saidiko äkosädob ko mödikans olas medü nuns u peneds, 
ye kosäd bevü obs veüton. Alan obas ya äfödon beni Volapüka in mod 
seimik, e klülos, das alan obas i labon nitedälaziläki lönik.
Voläd liedo no lelidon mödikosi dö Volapük -- pläamü resod sogik: 
Facebook, kö aldelo mens pluuneplu yunik penons dö Volapük. I kadämans 
anik kompenons pö el Facebook, ye liedo jäfons nemödo u leno in grup 
Volapüka us: www.facebook.com/groups/volapukalised/.
Begob olis, das oyufolsös obi in tef at, ibä us "musig jenon" ün tim at.
Spelob kobovobi gudik id in fütür. Volapük, lifö!




More information about the Kadam mailing list