[Kadam] Cifalacal

Brennus Legrae brennus at legranus.me.uk
Wed Mar 19 20:16:35 GMT 2014


O Kokadämans!

 

Ma Statuds Volapükamufa §3.2. Vicifal “preparon oki ad plädön Cifali ... ko
slud Kadäma”.

 

Vätälölo:  das sis yel 1984 efölob cali Cifala velid (e kanoy sagön, das ma
https://en.wikipedia.org/wiki/Volap%C3%BCk lölöfiko efölob cali plu ka
cifals büik);  das suniküno olabob yelis jöldeg;  das no kanob dunön so
mödikosi äsä muf neodon;   das labob bligis famüla;   das suno söl Philipps
olabom dokümis e bukis geböfikis plu ka ob;  das om edunom e dunom e das
labom tidodi e plaki, e das sevom so mödikosi valasotik gudü pük e muf;  das
söl Philipps binom vilöfik e blümik ad vedön cifal, if kadäm baicedon ko
atos;

 

Jinos obe, das nu obinon tim gudik ad säcälikön e mobön Kadäme ma bagaf 3.2.
statudas, das nunob calöfiko atosi e das söl Philipps opavälom äs Cifal e
das ob obinob Kadäman balugik.   Kludo begob baicedi Kadämanas bü fin viga,
sodas suno gased onunon dalebüdi.

 

Glidis,

 

Brian Bishop, Cifal.

 

-------------- next part --------------
An HTML attachment was scrubbed...
URL: <http://evertype.com/pipermail/kadam_evertype.com/attachments/20140319/94cefa79/attachment-0002.html>


More information about the Kadam mailing list