[Kadam] Lömin nulik: 'bohrium' (107)

Hermann Philipps hphilipps at onlinehome.de
Tue Mar 19 10:01:55 GMT 2013


O Kadämans löfik!

Volapükaflen hiel 'Shido' äpenom in Volapükagrup di 'Yahoo' sökölosi:-
----
O Volapükaflens valöpik!

Ereidob in "Vög Volapüka" (sevabo: in nüm velid yeloda teldegid), das 
lömin kiemavik tumvelid (laböl malat "Bh") panemon calöfiko as 
"borin". Ab in buk "Gramat Volapüka" fa hiel "Arie De Jong" vöd 
"borin" ebinon nem lömina lulid ko malat "B".
Säk veütik dajonon oki: lio Volapükans sötons-li difükön "borins" tel at?

Flenöfiko,
Shido
----

Volapükaflen Shido gidetom!

Vöd rigik: "borin" ya sinifon lömini: Bor (Deut.), boron (Lingl.), 
borum / boron / borium (latin), taumanum: 5, malat: B.

Lömin mekavik nulik: 'bohrium', taumanum: 107, malat Bh.
Klüliko neodobs vödi, kel distön de vöd ya pageböl sinifü: 'Bor / boron'.

Mobob, das nem verätik lömina mekavik: 'bohrium (Bh)' < binonös: *bohorin.
Tonat 'h' in nem lömina at veüton demü distidov de lömin difik: borin.

Dabegob gespiki sunik.

Glidis flenöfik sedom
Hermann




More information about the Kadam mailing list