[Kadam] Cifals Volapükamufa

Brennus Legrae brennus at legranus.me.uk
Mon Aug 12 17:14:06 IST 2013


O volapükaflens digik!

 

Pidabiko binob lölöfiko nenünömugik.   Flen Sérgio sagom, das binos fasilik votükön lartügis in Wikipedia, ed igo gudäliko esedom obe padi, keli no kanob suemön:  http://en.wikipedia.org/wiki/Help:Wikipedia:_The_Missing_Manual/Editing,_Creating,_and_Maintaining_Articles/Editing_for_the_First_Time  

 

Ba bevü volapükanef, dabinon pösod, kel okanom koräkön lartügis at ela Wikipedia tefü Cifals mufa obsik –

 <https://en.wikipedia.org/wiki/Volap%C3%BCk> https://en.wikipedia.org/wiki/Volap%C3%BCk e

 <https://de.wikipedia.org/wiki/Volap%C3%BCk> https://de.wikipedia.org/wiki/Volap%C3%BCk [nitedikum].

 

Sagons das Cifals ebinoms:
   1.   Johann Martin Schleyer 1879–1912
  2.   Albert Sleumer 1912–1948
  3.   Jakob Sprenger 1948–1950
  4.   Johann Schmidt 1950–1977
  5.   Johann Krüger 1977–1983
  6.   Brian Bishop 1984–present

No binos veratik.

 

Lised söton binön:

   1.   Johann Martin Schleyer 1879–1912
  2.   Albert Sleumer 1912–1948
  3.   Jakob Sprenger 1948–1950
  4.   Johann Schmidt 1950–1977, 1957-1977

   5.   Arie de Jong 1950-1957  (nelaidüpik 1947-1950)

  6.   Johann Krüger 1977–1983
  7.   Brian Bishop 1984–present

 

Ekö blöfs de pened fa flen Hermann Philipps:

>Tefü cifalam Dokana Arie de Jong, te ädönuob utosi, kelosi kanoy tuvön  in yeged pö 'Wikipedia' Volapükik dö Johann Schmidt  (https://vo.wikipedia.org/wiki/Johann_Schmidt):

>
> "Ün yulul yela 1950, el Schmidt ävedom cifal Volapükanefa. Ab ya ün dekul yela ot äsludom ad lovepolön nelaidüpo cifalami Dokane Arie de Jong (medü dalebüds nüm: 3 e nüm: 4) sekü dinäds ettimo in Deutän dabinöls e sekü jäfots lönik oka. No sevoy fümiko, jü yel kilik ädulon cifalüp nelaidüpik Dokana de Jong: fin ona neai pämänioton in Volapükagased pro Nedänapükans, e mögos, das el Schmidt pas pos deadam ela de Jong älovesumom dönu cifalami."
>
> Ekö, dalebüd, me kel Johann Schmidt älovepolom cifalami ele A. de Jong:
> "Dalebüd cifala de 1950, Dekul 21, Nüm: 4 Vätälölo, das sekü dinäds in
> Deutän dabinöls, ed i sekü jäfots lönik obik, no fägob ün atim ad
> bitön fuliko e fruto as cifal Volapükanefa, lovepolob nelaidüpo
> cifalami at ko gitäts e gitods valiks ona
> vicifale: ‚Dr. Arie De Jong‛, lödöle in ‚Leiden‛ (Nedän),
> ‚Herengracht‛: 58."

 

Palogonös i pad http://www.volapük.com/kadam/ <http://www.xn--volapk-7ya.com/kadam/> .   Segun dalebüds, de Jong id äbinon Cifal nelaidüpik 1947-1950

 

Glidis valikanes.

 

Brian



 

 





-------------- next part --------------
An HTML attachment was scrubbed...
URL: <http://evertype.com/pipermail/kadam_evertype.com/attachments/20130812/2f5daf56/attachment-0002.html>


More information about the Kadam mailing list