[Kadam] CD e ret

Hermann Philipps hphilipps at onlinehome.de
Sun Oct 28 10:18:02 GMT 2012


O Kadämans palestimöl!

Ädelo epenob cedis e mobis obik tefü el 'CD player' ed el 'CD writer'.
Ab pos tikam pluik anu cedob, das no binon din gudik ad ceinön vödis 
Volapükik ya pageböl.

Kludo anu zepob sinifi pluik värba "registarön", sevabo "to record" 
tonodis, filmülis, magodis e nunädis, sa vödi "registaröm" sinifü 
"recorder, Aufnahmegerät, opneemapparaat".
Leigo zepob vödi "sirkotül" siniföl eli "disk" Linglänapükik.

Etuvob, das Arie de Jong suvo gebom vödi "di" ad fomön 
vöda-koboseidotis ko nems, samo: mel di 'Adria', bod di 'Graham', 
konsärt di 'Gewandhaus', snob di 'Gordion', e ret.

El CD, DVD, Blu ray, iPod, iPad i binon nems, igo if aniks binons 
brefods. Kludo ma geb vönaoloveik Volapüko mobob notodotis sököl:

CD 			= el CD ü sirkotül di CD;
CD player 	= säjafädöm di CD;
CD writer	= registaröm di CD;
CD burner	= nüfilüköm di CD;
Mini CD		= el Mini CD ü sirkotül di Mini CD.

Ko glids flenik,
Hermann






More information about the Kadam mailing list