[Kadam] VI-CIFALAM

Hermann Philipps hphilipps at onlinehome.de
Sun Oct 21 11:39:40 IST 2012


O Kadömans palestimöl!

Ya sis dels anik desirob ad begespikön säkis mödik, kels päkumons dü 
vigs anik.
Bligs distöfik e stom lejönik -- ba kanobs nu juitön jönikis delis 
lätik hitüpa ü
fluküpa atyeliks -- no äleadons obi labön timi saidik ad fomülön cedis 
oba.
Ye no äglömob säkis, dinädis e kudis, kels nu tefons Kadämi e volädi
Volapüka. Mödiko ya ämeditob dö vöds nulädik, e spelob, das suno 
olabob livüpi ad bejäfön dinis attefik.

Ko glids e vips gudikün,
Herman

Am 20.10.2012 19:51, schrieb Michael Everson:
> On 1 Oct 2012, at 15:24, Ralph Midgley wrote:
>
>> Ye bi tävom mödo, etuvom, das no labom timi saidik ad dedietön
>> Vi-Cifalame.   Cifal ebespikom ko om fikulis in tef at bü
>> nelunüp, e fino Kadäman Gasper esludom,  dälü Cifal, ad no  plu
>> binön Vi-Cifal;   kodü atos, Cifal elibükom omi de bligs valik
>> oma Vi-Cifalama.   Too Kadäman Gasper vilom fövön limanami
>> Kadäma, e Cifal efredom ad baicedön in tef at.
>
> Benekömikis glidis dö Kadäman Gaser, e danö ome dö dünot omik äs
> Vicifal.
>
>> No glömolsös, begö! das:
>>
>> 1.    Volapükaflen alik kanon vedön Vi-Cifal.   (No muton binön
>> Kadäman);
>>
>> 2.    Lisitan muton gudiko sevön Volapüki  (Klülabiko!);
>>
>> 3.    No kanoy nemön pösodi nen baiced pösoda tefik.  (Sevabo:
>> pösod obinon vilöfik ad zepön cali somik, üf polofonöv one);
>>
>> Gudiko sevob, das no okanobs tuvön pösodi pötöfik 'ünü minuts
>> lul,'  ab fümo kanobs sunädo betikön dini veütik at.
>
> Ün tim at, mobob, u tikob ad mobön, das fulikobs calani Vicifala go
> sunik. Nedobs calanis in Kadäm genululik.
>
> Säki bal labob: Kio binon dif bevü Sekretan e Guvan? No nolob
> atosi. Ab kredob, das ün atim flen obsik el Relph binomöv vedön
> Vicifal, bi labom plaki mödikün, e bi kurädükom obis valik.
>
> No fümob, if a.s. ob binoböv Vicifal atimo, bi te lärnob Volapüki,
> e bi binos kleiluko, das a.s. el Hermann nolom Volapüki gudikum ka
> ob.
>
> Ba no zesudos labön calana Guvana if el Ralph ovedom Vicifal. Ab if
> Guvan obleibon binön calan in Kadäm, ba dünoböv cali Guvana (u cali
> Dabükana), bi vob resodaspadi binon sümik ka vob votik. Ab no
> nolob... fouk obik binon ed obinon vödastokav, jü vödabuks ömik
> odabükons.
>
> Michael Everson * http://www.evertype.com/
> _______________________________________________ Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>




More information about the Kadam mailing list