[Kadam] GASED OBAS, OLABON-LI FÜTÜRI?

Hermann Philipps hphilipps at onlinehome.de
Wed Oct 3 18:13:16 IST 2012


O Ralph digik!

Gased olabon fütüri, e gudos, das obetikobs kudadini at.
Ye odelo otävob ko sör oba lu yelamaket tefü nobains tö 
Idar-Oberstein, e pas ogekömobs tu sudel.  Täno olabob timi ad tikön 
dö atos.

Glidis ladöfikün valanes,
Hermann

Am 03.10.2012 12:00, schrieb Ralph Midgley:
> _FLENEFBEVÜNETIKVOLAPÜKA_
>
> Tü del folid tobula, yela 2012.
>
> O Kadämans digik!
>
> Sis yel 1989 dabükob gasedili obas.
>
> Bü yels teldegtel esedob samädi balid Volapükaflenes ettimik.Ab tiäd
> balid no äbinon “Vög Volapüka,”ab “Pened Komunik Volapükaflenes
> Valöpo.”Dü yel te bal tiäd gasedila äbinon “Pened Komunik.”Ün del
> semik, balan reidanas epenom obe ad sagön:“Tiäd nejönik kion!No
> kanol-li tuvön nemi gudikum pro gasedil obas?”
>
> Seko ün yel 1991 evotükob nemi.Nu äbinon “Flenef Bevünetik
> Volapüka”stimü klub necalöfik pro Volapükaflens, keli timü et
> ifünob.Ab pos yels degkiläsäkob obi:“Binon-li nem pötöfik?”Tü tim et,
> ädunob tidodemi Volapüka.Bal lärnodas tidodema at äbinon dö jipul, kel
> ilärnof Volapüki, ab kel ävilof penön eke Volapüko.Seko epotof penedi
> lü gased nelegik nemü “Vög Volapüka.”“Nem gudik kion!”ätikob, e sis
> yel 2004 nem gasedila obas binon “Vög Volapüka.”Dü lif gaseda ye, nem
> ota eceinon kilna.
>
> Balido gaseds päbükons te su papür, kelis äsedob poto reidanes.Ab anu
> gased labon fomis tel, sevabo:fomi papürik, e fomi leäktronik.Gased
> papürik binon frutik, bi sedob oni lü Bukem Britänik (almuliko);lü
> Mused Sperantapükik tö Wien (telna a yel), e lü Zänabür Sperantapükik
> (balna a yel).I gebob samädis papürik ad propagidön püki.Too üf
> Volapükaflens no dalabons nünömi, sedob atanes samädi papürik, voto no
> okanons reidön gasedi.(Do ün tim presenik bukems mödik dalabons
> nünömis ad geb notidik).Ab fom leäktronik binon go veütik, bi
> valikans, kels dalabons nünömi, u kels golons lü bukem ad gebön nünömi
> us kanons reidön gasedi almuliko /glato/.
>
> Ab üf odeadob-la dü yel okömöl, kis ojenos-li?Gased ofinikon-li
> laidüpo?Volapükaflen votik ovedon-li redakan ad fövön gasedi?Obinon-li
> tikamagoti gudik ad nemön redakani telid anu ad blümön?Gased pledon-li
> rouli veütik bevü Volapükaflens, u no?
>
> E ninäd gaseda.Binon-li saidiko nitedik?Meriton-li ad fövön?Binon-li
> jenöfo vüyümäd vü Volapükaflens?
>
> Ekö säks anik ad pabespikön fa Kadämans.Obinos gudik ad lilön cedis omas.
>
> _R. Midgley_Redakan : Vög Volapüka
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com




More information about the Kadam mailing list