[Kadam] VÖDS NULIK

Hermann Philipps hphilipps at onlinehome.de
Wed Nov 7 14:26:15 GMT 2012


O flen Arden!

Danob oli, ye dins no binons so fasiliks:

Rosads in gad olik binons logovik, ab no binons di 'video'.
Böds in bims fo dom olik binons lilovik, ab no binons di 'audio'.

Ekö miedet ela 'video':

1.
Dunamods leäktronik tefü registaram e söjafädam magodas taköls e 
muföls, ko u nen tonod. -->
"Electronic methods for recording and replaying still or moving 
images, usually also with sound".
2.
Sökaleod brefik di "audiovisual" --> "Short audiovisual sequence".

Sümikos i lonöfön tefü el "audio".

Tefü "media" e medöm.
Gramat Volapüka fa Arie de Jong: "185. El -öm malon stömi, stumi u 
parati: logöm, ... "

Ye "media" binons dins mödik distöfik: parats, nuna-nogans, nuna-, 
musiga- e magoda-meds, e ret. Logolös eli Wikipedia pö 
http://en.wikipedia.org/wiki/Media.

Too el "med" binon vödastamäd gudik.

Obemastikobs ....


Glidis,
Hermann



Am 07.11.2012 11:07, schrieb Arden R. Smith:
>
> O Kekadämans lestimik!
>
> Kadäman Philipps epenom:
>
>> 1) "telefon" no sinifon parati, ab sinifon jäfüdi kaenik patik! Nem
>> parata telefonik binon "telefonöm" ü "telefona-parat". (Vestigolsös
>> vödabukis!)
>
> Verätö! Iglömob, das "telefon" = Lingl. "telephony".
>
>> Spelob, das ceds e mobs at binons-la yufik, e begob, das sedolsös
>> mobis tefü vöds "audio, audiovisual, media, multimedia, video, visual".
>> Ya ämeditob tefü vöds at, ab klülabiko vobod at no fasilon.
>
> Bi vöds "video" (äs ladyek) e "visual" sinifons pluuneplu "visible",
> cedob, das mob Cifala: "logovik" pötöfon. Su stab et, ekö mobs obik:
>
> video [ladyek], visual = logovik
> video [subsat] = logovot
> audio [ladyek] = lilovik
> audio [subsat] = lilovot
> audiovisual = lilelogovik (lil-e-logovik)
>
> Labobs in vödabuk hiela de Jong vödi "medöm" ko sinif Deut. "Mittel"
> (Lingl. "means, medium"). Bi el "media" binon plunumafom vöda
> "medium", mobob:
>
> media = medöms (kuratikumo: nünamedöms?)
> multimedia = mödamedöms; [ladyek] mödamedömik
>
> Ba mobs at odugons olis lü tikamagots gudikum.
>
>
> Ko glids flenöfik,
> Arden
>
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com
>




More information about the Kadam mailing list