[Kadam] VÖDS NULIK

Hermann Philipps hphilipps at onlinehome.de
Tue Nov 6 13:02:44 GMT 2012


O Kekadämans palestimöl!

Mobob, das no tuspidobs vätälami e sludami tefü vöds pemoböl:
Steifülobsöv bümo teadi telid, buä ebumobs balidi!

1) CD e DVD no te kipädons tonis u magodis, tefädo.

2) No neodons vöds fol siniföls Lingläpüko "disc": sirkot, sirkotül, 
diskud, diskod.
Vöd bal saidon (begob, das reidolsös nunis obik tefölis).

3) No sötobs datuvön brefodis nulik (kels ya binons nems!) pla brefods 
ya dabinöls bevünetiko: CD, DVD, DVR, Blu-ray, iPod, e r.

4) Bu dins valik neodons vödis valemik kaenik sököl: audio, 
audiovisual, media, multimedia, video, visual.
Pas posä olabobs vödis gudik demü jäfüds at, odalobs künön ad vätälön 
vödis patikum.

Ekö, moets anik:
1) "telefon" no sinifon parati, ab sinifon jäfüdi kaenik patik! Nem 
parata telefonik binon "telefonöm" ü "telefona-parat". (Vestigolsös 
vödabukis!)

2) Vöd "jonet" binon dotabik as leigätafom demü "screen". Vöd at 
sinifon "something shown" (vestigolsös koboyüma-vödis ko "jonet" in 
"Vödabuk Volapüka" ed in "Fövots", a.s. jonetaboded = "showbread"; 
jonetükon = "to put on offer, to peddle").
Atkodo "jonetöm" ba binon-la gudikum -- ab ya labobs vödi "SKRIN" (in 
bioskop), kel gudiko kanön pagebön pö televidöms, nünöms, e r.
------------------------------------------------------------------------------------------
Ekö, mobs obik jünuik:

1.
analog = naalogik.
digital = digitik.

2.
CD = el CD; sirkot(ül) ü diskud di CD; sirkot(ül) ü diskud densitik.
CD player = säjafädöm di CD.
CD burner = nüfilüköm di CD.
CD writer = registaröm di CD.

3.
DVD = el DVD;  sirkot(ül) ü diskud di DVD; sirkot(ül) ü diskud digitik 
mödasoto-gebovik.
DVD player = säjafädöm di DVD.
DVD burner = nüfilüköm di DVD.
DVD writer = registaröm di DVD.

4.
Blu-ray disk = sirkot(ül) ü diskud di Blu-ray; sirkot(ül) ü diskud 
blöva-laserik.
Blu-ray player = säjafädöm di Blu-ray.
Blu-ray burner = nüfilüköm di Blu-ray.
Blu-ray writer = registaröm di Blu-ray.

5. DVR --- pas neodobs vödi gudik demü "video".

6. portable media player --- pas neodobs vödi gudik demü "media".

7. video game --- pas neodobs vödi gudik demü "video".

8.
desktop computer = siö, tabanünöm.
laptop / notebook = vümanünöm u kläpanünöm.
tablet computer = siö, platanünöm.

9.
mobile / cell phone = telefonöm polovik.
smartphone = el smartphone ü skila-telefonöm.

10. "app" = gebod ("gebäd" binon-la tu valemik).

11. touchscreen = kontagaskrin.

Spelob, das ceds e mobs at binons-la yufik, e begob, das sedolsös 
mobis tefü vöds "audio, audiovisual, media, multimedia, video, visual".
Ya ämeditob tefü vöds at, ab klülabiko vobod at no fasilon.

Ko glids flenöfik,
Hermann




Am 05.11.2012 16:37, schrieb Ralph Midgley:
> _KADÄM BEVÜNETIK VOLAPÜKA_
>
> O Kadämans ledigik!
>
> Tefü vöds nulik fa Kadäman Smith pemoböls, ekö seks studas ot:
>
> analog = nalogik u nalagik
> digital = digitik
> CD = diskod densitik u sirkotül
> CD player = sirkotülisumodöm u tonüköm diskoda densitik
> CD burner = sirkotüliregistaröm u registaröm diskoda densitik
> DVD = magodasirkotül digitik u diskod logovik digitik
> DVD player = magodasirkotül - sumedöm u jonüköm diskoda logovik densitik
> DVD burner/writer = magodasirkotül - registaröm diskoda logovik densitik
> Blu-ray disc = magodasirkotül u magodadiskod blövik
> Blu-ray disc player = sumodöm magodasirkotüla blövik u tonüköm
> magodadiskoda blövik
> Blu-ray burner/writer = registaröm magodasirkotüla blövik u registaröm
> magodadiskoda blövik
> DVR = magodiregistaröm digitik
> Portable media player = tonodisumodöm digitik u tonüköm polovik
> video game = magodapled u nünömapled
> desktop computer = tabanünöm
> laptop computer = pämanünöm
> tablet computer = platanünöm
> Smartphone = telefon sagatik u telefon legeböfik
> "app" programül u gebädaprogram
> touchpad = kontagaplatot
> touchscreen = kontagajonet
>
> O Kadämans! Vilols-li begö! ünü vig okömöl vätälön tradutodis löpik, e
> sagön fomis kelik vilols daoptön.
>
> Vig bal saidon, no-li?
>
> Danis ladöfik oles!
>
> _R. Midgley_
> Sekretan : Kadäm Bevünetik Volapüka
>
>
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com




More information about the Kadam mailing list