[Kadam] Kolköm Kadäma

Arden R. Smith erilaz at earthlink.net
Thu Nov 1 06:35:06 GMT 2012


O Kekadämans digik!

Vob e bligs votik enenämükons obi ämulo, klu labob nemödikosi ad nunön.

(1) Äsä ya sevols, efoseitob Kadäme lisedi vödas nulädik tefü el  
"digital media", kels neodons leigätafomis Volapükik, kobü mobs anik.

(2) Desinob bevobön mödikumo stäänükami soik vödastoka Volapükik.  Nog  
mutob penön bosi begesagü mobs detülik, kelis Kekadäman Hermann  
Philipps epenom.

(3) Atimo no labob mobis pluik pro fütür mufa.

(4) Atimo no labob tikamagotis votik.


Arden R. Smith
2012 novul 1


(Ekobopladob penädi in fomät di Microsoft Word bai beg Cifala.)

-------------- next part --------------
A non-text attachment was scrubbed...
Name: Kolk?m_Kad?ma_2012_novul_(Smith).doc
Type: application/msword
Size: 23040 bytes
Desc: not available
URL: <http://evertype.com/pipermail/kadam_evertype.com/attachments/20121031/cce2822f/attachment.doc>
-------------- next part --------------





On Oct 28, 2012, at 9:22 AM, Brennus Legrae wrote:

> O Kadämans valik, ledigik!
>
>
>
> Benokömolsös in kolköm spodik balid me bevüresod pevoköl tü d. balid  
> novula. Spelob, das koboyuf obsik okodon, das Volapük ofulükon pladi  
> pameritöl in vol.   Fredob vemiko, das ömikan obas ya epenom, ed ob  
> mutob penön adelo bi olabob bligis in vig okömöl.
>
>
>
> In pened büik ämobob, das kolkömaspod obsik ötefon dinis fol:  (1)  
> dunotis lätik, (2) dunotis papromöl, (3) mobis pro fütür mufa, e (4)  
> tikamagotis valemik.   Ekö obiks.
>
>
>
> (1) (a)   Epenob lartügi in gased sperantapükik 'La ondo de  
> Esperanto' ad kleilükön cedis (cedü ob) ela Schleyer visü Zamenhof e  
> taiko.   Ämutoms jelodön püki, vobi lunik e slopanis okikis.    
> Bofans ätuükoms.   Patiko gramat e vödem Volapüka binons veratiko  
> leodiks.   Äbinon lartüg pada gretik bal.
>
>
>
> (1)(b)  Id äpenob penedi ta geb badik vöda sperantapükik  
> 'Volapükajxo' in nüm posik gaseda at, bi binon pük, kel meriton  
> dalestümi.
>
>
>
> (1)(c)  Tü zädel pasetöl, in kolköm ela Orienta Federacio de  
> Esperanto, kö valikans ikredoms, das Volapük lölöfiko ideadon,  
> ekleilükob, das Volapük ai dabinon e das binos lemödikos in  
> bevüresod dö on.
>
>
>
> (2)  Dasinob oküpälön mögis koräkön misuemis tefü pük obsik.
>
>
>
> (3)  Mobob, das i kekadämans sukoms mögis ad nünön püki obsik, ed  
> das nunoms dunotis tefik.
>
>
>
> (4)(a)  Sötos obes memön, das pük obsik no taon sperantapüki;  sötos  
> no propagidön oni, te nunön tefü on.
>
>
>
> (4)(b)  Spelob, das tikamagots ovedons mobs, e das mobs ovedons duns.
>
>
>
> (4)(c)  Kisi cedols-li dö mod at ad busidön?
>
>
>
> Spodakolköm ojenöl obsik okanon binön tü d. tü del balid yanula, if  
> baicedols.   Opliton obi reidön dö edunots, adunots, odunots, mobs,  
> tikods e nuns valasotik olsik.
>
>
>
>
> Glidis valanes,
>
>
>
> Brian.
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com



More information about the Kadam mailing list