[Kadam] Sérgio

Hermann Philipps hphilipps at onlinehome.de
Tue Dec 18 07:37:59 GMT 2012


O Kadämans!

Meritab hiela Sérgio gönü Volapük Nulik binon so gretik, das leno 
vätäloy ad sädütön ome cali ü diniti as liman Kadäma Volapüka.
Vemo digidob vobi oma tefü el "Wikisource" Volapükik 
(http://wikisource.org/wiki/Category:Volapük), kö kanoy tuvön vödemis 
lemödik fa Volapükans veütik, äd el "Vikiped" 
(http://vo.wikipedia.org/wiki/Cifapad).

Stütobsöd omi tiko dü tim at fikulik ome!
Danö! o Sérgio.

Glidis Kadämanes valik de
Hermann Philipps, Vicifal


Am 18.12.2012 01:53, schrieb Sérgio Meira:
> O Kadämans legudik!
>
> Veratiko no labob atimo timi saidik ad kevobön ko ols gönü Volapükamuf
> nulik. Ba cedols, das no vilob keyufön, das no vilob duinön valikosi
> ad gretikumön pladi Volapüka in vol, das no vilob laikeblunön literate
> volapükik. Ab atos no veraton.
>
> Tradutods obik äbinon pro ob fon freda vemik, e dinit Kadämana, keli
> egivom obe cifal obsik, binon bal dinas gudikün, kels äjenons obe yelü
> 2007.
>
> Sed atimo no labob, liedö! timi ad kevobön ko ols. Stadät obik i
> obikanas binon anu difik; labobs sakädis gretik ad tuvedön. If atos
> sinifon, das no dalob laibinön Kadäman Volapüka... So binonös, liedö!
>
> Ävilob tradutön buki balid hiela Harry Potter volapüko. Ya etradutob
> padis primik degtel. Ab ya no kanob laitradutön...
>
> Lif no dabinon ad fredükön obis, sed ad givön valikose dabinamögodi.
> Atos muton saidikön. :-)
>
> Glidis stedälikün sedom
> hiel Sérgio Meira se Nedän
>
>
> _______________________________________________
> Kadam mailing list
> Kadam at evertype.com
> http://evertype.com/mailman/listinfo/kadam_evertype.com




More information about the Kadam mailing list