[Kadam] Sérgio

Sérgio Meira asehpe at gmail.com
Tue Dec 18 00:53:34 GMT 2012


O Kadämans legudik!

Veratiko no labob atimo timi saidik ad kevobön ko ols gönü Volapükamuf
nulik. Ba cedols, das no vilob keyufön, das no vilob duinön valikosi ad
gretikumön pladi Volapüka in vol, das no vilob laikeblunön literate
volapükik. Ab atos no veraton.

Tradutods obik äbinon pro ob fon freda vemik, e dinit Kadämana, keli egivom
obe cifal obsik, binon bal dinas gudikün, kels äjenons obe yelü 2007.

Sed atimo no labob, liedö! timi ad kevobön ko ols. Stadät obik i obikanas
binon anu difik; labobs sakädis gretik ad tuvedön. If atos sinifon, das no
dalob laibinön Kadäman Volapüka... So binonös, liedö!

Ävilob tradutön buki balid hiela Harry Potter volapüko. Ya etradutob padis
primik degtel. Ab ya no kanob laitradutön...

Lif no dabinon ad fredükön obis, sed ad givön valikose dabinamögodi. Atos
muton saidikön. :-)

Glidis stedälikün sedom
hiel Sérgio Meira se Nedän
-------------- next part --------------
An HTML attachment was scrubbed...
URL: <http://evertype.com/pipermail/kadam_evertype.com/attachments/20121218/c91ca27c/attachment-0002.html>


More information about the Kadam mailing list