[Evertype]  Harry Potter a me ka Pōhaku Akeakamai Home
 
 

Harry Potter a me ka Pōhaku Akeakamai
Harry Potter and the Philosopher's Stone in Hawaiian

Harry Potter and the Philosopher's Stone

By J.K. Rowling, translated into Hawaiian by R. Keao NeSmith

First edition, 2018. Dundee: Evertype. ISBN 978-1-78201-206-1 (hardcover), price: €31.95, £28.95, $43.95.

Click on the book cover on the right to order this book from Amazon.co.uk!

Or if you are in North America, order the book from Amazon.com!


Iā ia e hoʻohuli ana i ka wahī leka me kona lima e haʻalulu ana, ʻike aʻela ʻo Harry i ka uepa poni me kekahi hōʻailona no ke kūlana; he liona, he ʻaeto, he kehaka, a he naheka e hoʻo­puni ana i kekahi huapalapala “H” nui.   Turning the envelope over, his hand trembling, Harry saw a purple wax seal bearing a coat of arms; a lion, an eagle, a badger, and a snake surrounding a large letter H.
Oz
‘A‘ole i lohe ‘o HARRY POTTER no ke Kula Hogwart i ke kau ‘ana mai o nā LEKA ma ka moena ‘īpuka o mua o ka hale ma ka helu ‘ehā, Ala Pili­kino. Na kona ‘ana­kala me kona ‘ana­kē ‘a‘aka loa i kā‘ili koke i nā leka i kākau ‘ia ai me ka ‘īnika ‘ŌMA‘O­MA‘O ma luna o ka ‘ili palapala LENA­LENA me ka uepa PONI. A laila, ma ka lā hānau piha ‘umi kuma­mākahi maka­hiki o Harry, ‘ō‘ili maila kekahi PILIKUA me ka lauoho pūkalakī loa i kapa ‘ia ‘o RUBEUS HAGRID me ka pahū ikaika a halihali maila ‘o ia i kekahi lono KUPAI­ANAHA: He kahuna ho‘o­kala­kupua ‘o Harry Potter a he wahi nō kona ma KE KULA HOGWART NO KA ‘OI­HANA HO‘O­KALA­KUPUA.   HARRY POTTER doesn't know the first thing about Hogwarts when the LETTERS start dropping onto the doormat at number four, Privet Drive. The letters, written in GREEN ink on YELLOW parchment with a PURPLE seal, are taken off him by his AWFUL aunt and GRUMPY uncle. Then, on Harry's eleventh birthday, a great GIANT with curly hair called RUBEUS HAGRID barges into his life with some ASTOUNDING news: Harry Potter is a wizard, and he has a place at HOGWARTS SCHOOL OF WITCHCRAFT AND WIZARDRY.

He Papa Huaʻōlelo

  • iū. yew. Mai ka ʻōlelo Pelekānia mai. He ʻano kumu paina o ka ʻohana paina.
  • uiti. witch. ʻŌlelo Niʻihau. He kanaka mālama i ka ʻoihana ʻanāʻanā ma waena o ko ʻEulopa. Uiti kāne. Warlock. Uiti wahine. ‘Uiti’ ma ke ʻano laulā inā he kāne a wahine paha.
  • hakua. troll. (Pō-) haku + akua. No loko mai o nā moʻolelo Nolewai. He ʻano akua pilikua e ala ana i ka pō wale nō, a ke pā ka lā ma luna o kona ʻili, lilo ʻo ia he pōhaku.
  • Kaleona. Galleon. Mai ka ʻōlelo Pelekānia mai. He ʻōkeni kālā ma waena o ka poʻe kāhuna hoʻokalakupua ma loko o nā moʻolelo o Harry Potter. E nānā iā Puʻu, Sikala.
  • Kinipoinaʻole. Remembrall. ʻKini/ kinikini’ (he kinipōpō aniani liʻiliʻi) + ‘poina ʻole’. He kinipōpō aniani akāka he lilo he ʻulaʻula mai kona waihoʻoluʻu ke poina ka mea nāna ia mea i kekahi mea nui.
  • lionaka. centaur. ‘Lio’ + ‘(ka-) naka’. He tutua i loko o nā moʻolelo Helene he kanaka ke kino mai ke kīkala ā hiki i ke poʻo a he lio mai ke kīkala ā i lalo, he ʻehā ona wāwae a ʻelua lima.
  • luponaka. werewolf. ‘Lupo’ + ‘(ka-) naka’. He tutua i loko o nā moʻolelo o ʻEulopa he kanaka e hiki ai ke hoʻololi i kona kino iho he ʻīlio hae (lupo) e like me kona makemake.
  • maka pilau. poltergeist. He ʻano ʻuhane lapu nāna e hoʻoneʻe a hōʻoni paha i nā mea like ʻole ā puni ona. Wehewehe ʻia ke ʻano o ka ʻuhane lapu, ʻo Peeves, penei i loko o Harry Potter a me ka Pōhaku Akeakamai: “ʻŌʻili maila kekahi kanaka liʻiliʻi me nā maka hoʻokūnāhihi ke ʻano a me ka waha ākea loa”.
  • Mākala. Muggle. Mai ka ʻōlelo Pelekānia mai, a mai ka ʻōlelo mai kekahi, ‘mā-’ + ‘kala/ʻōkalakala’, ʻo ia hoʻi ka wehe ʻia ʻana o ke kuleana he ʻoihana hoʻokalakupua. He kanaka ʻike ʻole i ka hana hoʻokalakupua i loko o nā moʻolelo o Harry Potter.
  • mea make holoholo. zombie. He kanaka i make a hoʻāla hou ʻia hou ʻia e kekahi mea hana ʻanāʻanā a hele nō ka mea make me kona kino palahō a pilau nō i ka holoholo ma luna o ka honua. Poʻe make holoholo (he mau mea make holoholo).
  • palaoa ʻai. sandwich. He ʻōlelo na kekahi poʻe kūpuna ʻōlelo Hawaiʻi. He meaʻai he ʻelua mau ʻāpana palaoa i kolikoli ʻia a me kekahi ʻano meaʻai ʻono ma waena o nā ʻāpana palaoa.
  • palamino. palomino. Mai ka ʻōlelo Pelekānia mai. He lio me ka huluhulu lenalena a me ka huluhulu ʻāʻī a me ka huelo he keʻokeʻo ka waihoʻoluʻu.
  • peneke. pence. Mai ka ʻōlelo Pelekānia mai. He ʻōkeni kālā ma Pelekānia Nui.
  • pesoa. bezoar. Mai ka ʻōlelo Lakina mai. He puʻu paʻakikī i ulu ma loko o ka ʻōpū o ke kao.
  • Peto Huluhulu. Fluffy. Mai ka ʻōlelo Niʻihau mai. He mea i aloha ʻia inā he keiki paha, he holoholona mālama paha.
  • poloka ʻāpuʻupuʻu. toad. He ʻano holoholona ʻano like loa nō me ka poloka, akā, he mākuʻe ka waihoʻoluʻu o ka ʻili o kona kua a nui ka puʻupuʻu.
  • Poʻo Hana. prefect. He kanaka i hoʻokohu ʻia i luna a i ʻole i poʻo paha nāna e alakaʻi i ka hana ma waena o kekahi pūʻulu poʻe a hui paha.
  • pule hoʻohei. spell. He pule e hoʻohei ai i ka manaʻo o kekahi poʻe a i ʻole he pule e hoʻopaʻa ai i ka mana o kekahi mea ma lalo o ka mana kalakupua o ka mea nāna pule aku.
  • pule kalokalo. enchantment. Ka pule ʻana ma luna o kekahi mea ma ka hoʻopuka ʻana i nā ʻōlelo paʻanaʻau.
  • pūloʻu-mōneka. monkshood (Aconitum napellus). Mai ka ʻōlelo Pelekānia mai. He lau nahele me kekahi ʻano pua he kohu pūloʻu o ka lole hoʻoluʻeluʻe o ke kahuna pule mōneka. ʻO ka ‘ʻawahia-lupo’ kekahi inoa no ia lāʻau like nō.
  • Puʻu. Knut. He ʻōkeni kālā ma waena o ka poʻe kāhuna hoʻokalakupua ma loko o nā moʻolelo no Harry Potter. E nānā iā Kaleona, Sikala.
  • lāʻau hoʻohei. wand. He lāʻau i kālai ʻia ā pololei ma kahi o ʻumi paha ʻīniha ka lōʻihi a hoʻohana ʻia e ka poʻe kāhuna hoʻokalakupua no ke kia ʻana a i ʻole ka hoʻolele ʻana i ka mana kalakupua ma luna o kekahi mea.
  • ʻalakemi. alchemy. Mai ka ʻōlelo Pelekānia mai. He ʻoihana e hoʻolilo ai i nā mea metala like ʻole he kula aʻiaʻi a he ʻoihana e ʻimi ai ā loaʻa kekahi ʻano lāʻau e ola ai ke kanaka ā mau loa.
  • ʻawahia. wormwood (Artemisia absinthium). Mai loko mai o ka Paipala Hemolele. He ʻano kumulāʻau i manaʻo ʻia ai he lāʻau make kona lāʻau.
  • ʻawahia-lupo. wolfsbane (Aconitum vulparia). Mai ka ʻōlelo Pelekānia mai (lupo + mea ʻawaʻawa/mea make). He inoa ʻokoʻa no ka ‘pūloʻu-mōneka’.
  • ʻasepotela. asphodel (Asphodelus albus). Mai ka ʻōlelo Pelekānia mai. He ʻano lau nahele o ka ʻohana līlia.
  • ʻoaka. goblin. Mai ka ʻōlelo Sindarin mai ʻorc’ ma loko o ka puke, ʻo Ka Hopita, na J. R. R. Tolkien. He ʻano tutua he kino kohu kanaka nō, he pupuka ʻino a loko ʻino maoli.
  • ʻoihana hoʻokalakupua. wizardry. Ka ʻoihana a ka poʻe kāhuna hoʻokalakupua e aʻo a hoʻoikaika ai i nā hana hoʻokalakupua like ʻole.
  • gilipona. griffin. Mai ka ʻōlelo Pelekānia mai. He tutua i loko o nā moʻolelo o ʻEulopa he kino liona me ke poʻo a me nā ʻēheu o ka manu ʻaeto.
  • rupe. ruby. ʻO ‘rupi’ kekahi ʻōlelo. Mai ka ʻōlelo Pelekānia mai. He pōhaku makamae ʻulaʻula.
  • Sikala. Sickle. He ʻōkeni kālā ma waena o ka poʻe kāhuna hoʻokalakupua ma loko o nā moʻolelo o Harry Potter. E nānā iā Kaleona, Puʻu.
  • tutua ʻai koko. vampire. He ʻano tutua he kanaka kona kino nāna e ʻai i ke koko o kekahi kanaka.
 
HTML Michael Everson, Evertype, 19A Corso Street, Dundee, DD2 1DR, Scotland, 2018-05-11

Copyright ©1993-2018 Evertype. All Rights Reserved